前F4成員朱孝天外貌及身材大走樣 驚變「頹廢大叔」 網民：胖若兩人

由言承旭、周渝民、吳建豪和朱孝天四人組成嘅台灣男團F4當年因台劇《流星花園》爆紅，係唔少人嘅青春回憶。成員朱孝天於2016年與內地女星韓雯雯結婚，並將重心轉往內地，兩公婆經常一同出席活動，又喺社交平台大曬合照，相當甜蜜。不過，網民將焦點放於朱孝天嘅外形之上，認為佢驚變「頹廢大叔」，表示：「完全胖（判）若兩人啊。」

朱孝天日前於小紅書拍片分享喺北京市集辦年貨影片，從影片中看到，朱孝天於市集內講價試食；加上，以T-Shirt與藍色外套搭配斜咩袋造型示人，又唔剃鬚及圓潤身材嘅情況下，星味漸減，有網民更指朱孝天似一個普通人一樣：「現在走在路上没有一個人認得出」、「至少…..還有頭髮」、「孝天看不出來」等等。

朱孝天近年外貌及身材大走樣，於是2016年公開回應事件，於社交平台撰文表示自己細個曾有過敏性氣喘，食用處方類固醇後導致佢骨骼和肌肉無法承受太高運動，經諮詢後發現患上「纖維肌痛症」。至於發胖，則係因為食藥緩解所致，為咗履行合約義務必須亮相於公眾。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！