回顧2024．運動員專訪｜「刁兄」奧運一跑成名 刁俊稀：依家跑唔贏，無話之後跑唔贏｜Yahoo
【Yahoo 新聞報道】2024年，刁俊稀（Felix）在巴黎奧運一跑成名，比賽短短十秒，看似一瞬即逝，卻成為他人生的重要轉捩點。今年轉為全職運動員，再登上奧運殿堂，刁俊稀的目標始終如一，就是「跑快啲」。他希望可在100米賽事跑出10秒28，繼而追求在10秒內完成，「依家跑唔贏，無話之後跑唔贏」。
奧運田徑唯一香港代表：重擔放落我度
能跑進巴黎奧運的紫色賽道，Felix坦言感覺2024年是神奇的一年。他一早計劃今年是練習年，「做到好成績就留返下年亞洲賽、全運會搏一搏」。年中得知獲得爭取「外卡」的機會，他跑出個人最佳成績10秒33，成為排名最高的港將，終贏得奧運入場券，「係好突如其來……」回想當時的感受，Felix說：「香港田徑得我一個人去，唔似亞運可能有十幾二十個人去，變成成個焦點、目光、重擔就放咗落我度」。
他背負壓力，踏上一個人的征途。出發前肌肉狀態未如理想，「最初以我成績一定入到下個回合……但係會唔會連最低水準都發揮唔到……曾經擔心跑得更加慢嘅成績」。不過他也嘗試將壓力化為動力，「對自己更加有要求，就會想做得更加好」。
踏上紫色賽道前，Felix還是有點緊張，「但真係一出到去嗰一下，你見到咁多人（觀眾），我試完跑慢慢行返嚟嘅時候，反而無咗緊張嘅感覺」。那場比賽他很享受，不止是因為奧運，而是全場爆滿的熱烈氣氛，「嗰種感覺係幾震撼」。
「算係帶畀我一個肯定，我可以繼續堅持跑落去」
最終Felix跑出10秒62的成績，「還好啦，我唔敢話可以接受」，對表現不太滿意，「唔滿意嘅位係準備奧運嘅過程狀態唔理想，未係去到自己最巔峰嘅時候去跑」。奧運前半年斷斷續續有不少比賽，腳部肌肉變緊而影響爆發力。說跑進奧運是「神奇」，只因過去幾年狀態和成績「麻麻哋」，近年訓練模式有些轉變才令成績提升，「今次去到奧運，其實都算係帶畀我一個肯定，我可以繼續堅持跑落去」。
「依家唔係我嘅頂峰」
2024年對Felix來說，是人生重要轉捩點。現年24歲的他5月跑到個人最佳時間後，6月中轉為全職運動員。網上有聲音質疑他不是「十八廿二」，進步空間有限，但Felix很有信心，「依家唔係我嘅頂峰，會有更加高水準嘅發展」。他舉例指不少中、日、台跑手均是20多歲，「甚至乎中國蘇炳添30歲先跑9秒8呢個亞洲紀錄」。經過奧運的洗禮，Felix參加其他比賽時會更加放鬆，練習亦有更明確目標，讓自己進步，「即係會更加想去貼近世界嘅水平」。
2024年最大的轉變，是轉為全職運動員。曾有媒體訪問他提及全職運動員月薪7130元，明年將加薪至11520元，引起網民熱烈討論。Felix則認為談不上犧牲，「始終我上年先畢業，又唔係話做咗十年嘢忽然唔做」。他修讀會計畢業，曾短暫工作，但認為「返工」可返到65歲，但做運動員的黃金時間只有這幾年，「不如趁而家有成績、有時間、又未有咁大負擔壓力嘅時候，去搏一搏」。他沒有為全職運動員設下期限，「如果去到某個位，點練都練唔返上去嘅時候，可能到時先再諗」。
他現在已成功申請居於體育學院宿舍，專心訓練，加上教跑步班的收入，沒有供樓他的未有財政壓力，「暫時都可以，覺得都夠嘅」。不少網民亦愛錫Felix，奧運比賽不久後，他看到有Threads帖文，「有個人幫我推followers，叫人係咁follow我。無啦啦多咗一堆人follow我，好搞笑」，他也有些腼腆，「我未必駕馭到呢個位㗎喎！未必真係出名到㗎嘛！」後來有廣告商找Felix合作，他視為bonus，沒有強求但受到大家注目，也是個榮幸。
內歛的「刁兄」 返港低調離機場
Felix受訪時常掛起笑容，實則是內歛低調的男孩，談吐斯文有禮。奧運過後他與游泳奧運代表團同機回港，記者當時欲問他賽後感想，卻發現他已低調離開機場。避過記者的鎂光燈，他解釋：「真係啱啱開始多人識，我本身個人內歛、怕醜」。這個「i人」笑言：「真係唔會太想做咁多訪問、同咁多人講嘢......嘩咁不如走啦！哈哈哈……等泳隊啲人走，我就喺側邊竄走算」。
比賽後為人認識，不少網民「刁兄」前、「刁兄」後的稱呼Felix。他嘗試調整「怕醜」心態，「開頭都真係幾唔習慣」，運動場上固然有不少跑友與他打招呼、合照；他也獲邀成為不少中學運動會的嘉賓，「啲學生變得十分之熱情，哈哈哈哈」。他坦言：「（最初）真係好想快啲過咗呢段時間，過咗呢個熱潮就無乜人理我，哈哈」。不過隨時間過去，Felix亦習慣這種生活，「多咗人認識到田徑、短跑呢項運動都好……黃種人喺呢個項目比人睇低一線嘅情況下，香港都有一班短跑運動員喺度努力」。
運動員的煎煞：未來的未知
回想中學時期，Felix原被老師指派參加跨欄，但經常跨不到甚至把欄踢跌，遂改玩短跑，豈料越跑越快，今年更跑進奧運。對Felix來說，運動員最大的煎熬不是收入問題，也不是體能鍛練，而是對未來的未知。「我哋用咗一整年訓練，你個目標都係想跑快啲，可能到最後無啦啦有傷患，或者even無傷患但你都跑唔到比之前快嘅時候，嗰種質疑、嗰種負面諗法可以出嚟嘅時候，就會諗呢個決定究竟啱唔啱、值唔值得？」
即將踏入2025，Felix繼續向未知進發，為取得個人最佳成績而努力跑下去，「依家跑唔贏啫，無話之後跑唔贏！」
相關報道：
回顧 2024・總覽：見證我城 366 日內的起跌和變遷｜Yahoo
回顧 2024．人物｜不明液體潑臀部 受害人開專頁籲關注街頭性暴力：人人都是守護網｜Yahoo
回顧2024・市道篇｜23內地連鎖品牌攻港 將軍澳變「小深圳」 內銷貨低價搶客｜Yahoo
回顧2024・市道篇｜內地品牌搶高租金人工 本地小店雪上加霜：香港仲可以捱幾耐？｜Yahoo
回顧2024・逝者篇｜柳俊江、河國榮、抗癌勇士楊嘉驃 泛起漣漪的生命 你記得他們嗎？｜Yahoo
回顧2024・逝者篇｜《龍珠》之父鳥山明、攝影泰斗陳橋、「鐵板神算」董慕節 今年逝去的大師們｜Yahoo
