回顧2024・市道篇｜內地品牌搶高租金人工 本地小店雪上加霜：香港仲可以捱幾耐？｜Yahoo

【Yahoo 新聞報道】大量內地品牌攻港，正在經歷寒冬的本地小店雪上加霜。有本地小店老闆慨嘆，內地餐飲店過去一年以高租金、高薪金搶佔市場，擔心更多小店被內地品牌同化，失去香港特色，預料餐飲業寒冬會在2025年延續「谷底平台期」。

北角餐廳人人和平老闆許先生接受《Yahoo 新聞》訪問時指，2023年度比2022年度營業額下跌不足一成，但今年則比去年再下跌一成。談到2024年，許慨嘆：「擔心香港仲可以捱得幾耐？」人人和平今年承租鄰舖，主要放大檯，供更多食客訂座設宴，「兩間舖今年生意額夾埋，都唔夠前年（2022年）咁多」，加上旗下銅鑼灣概念店Hongrill因牌照問題需壯士斷臂，損失過百萬元，幸好人人和平本身較多熟客，亦有希望品嚐優質中菜的遊客，預計今年埋單計數，「可能打成平手或者蝕少少」。

高租金有利估值 業主寧延長免租期

熟知商舖行情的許先生續指，新到港的餐飲品牌為打入香港市場，願意用較高租金「搶靚位」，本地小店難以負擔，加上較高租金亦有利店舖估值，對一般業主有利；更有業主被內地品牌開出進取的租金吸引，寧願給予較長免租期（如六個月或以上），「捱過幾個月免租期之後，就可以用高租金做保值」。不過他亦指業主此舉亦有風險，如果品牌最終在一年內結業，若無簽個人擔保，有機會蒙受損失。

許先生續指，內地品牌亦搶高本港餐飲業的經營成本，「佢（內地品牌）未必睇咁遠，大家鬥高人工搶人，所以呢幾年係市道差、無生意，但人工愈來愈高」。其餐廳無離職潮，但有每年加人工留住人才，「呢幾年都未試過凍薪」，其餐廳侍應平均每小時薪金70多元，洗碗工則達約100元一小時。他坦言不少行家也有加薪壓力。

不少內地品牌目標上市：未必係想喺盤生意上賺錢

他形容今年艱難因素包括港人的消費觀改變，將內地品牌的定價直接與港產小店比較，曾聽到有行家被客人問：「人哋一杯嘢廿蚊都唔使，點解你賣咁貴？」但他指不少內地品牌是希望循香港開店並上市，只求盡快擴張，「我哋香港嘅舖頭係諗呢盤生意想賺錢，我又唔係開善堂，我做善事係另一件事，但佢哋（內地品牌）就未必係想喺盤生意上賺錢」。

他亦擔心香港品牌漸被內地品牌淘汰或同化，「啲裝修睇落會好似，餐飲業市場會逐漸被同化、或者被國內品牌搶佔」。許形容餐廳暫時亦靠追求食物品質的客人支持，「但呢批消費群有個移民潮，仲支唔支持到喺香港生存嘅舖頭呢？」他估計明年會延續「谷底平台期」，等待經濟復甦，一眾小店「要大家自己諗掂佢」。

本地火鍋店生意較疫情跌八至九成

開業八年的616老闆Patrick接受《Yahoo新聞》訪問時指，受內地品牌進軍香港、旅客及港人消費減少等影響，預計今年迎來首次虧蝕。疫情禁堂食期間，不少客人買火鍋外賣套餐，今年營業額則比去年同期慘跌30％，「如果同疫情期間比，甚至跌到淨返一兩成生意」，旺區如尖沙咀、旺角及銅鑼灣店影響最大，今年由16間分店縮剩10間。

開關後小陽春落空

616集團除火鍋店外亦有點心店，他指和行家今年都見證消費力不足、行業正在萎縮，「最慘係年頭啱啱通關嘅時候」。他年初還特意招聘更多員工準備「復常」，但開關後預期的「小陽春」並無出現，反而不少港人外遊，同時亦須償還疫情時借下的貸款或補助，雪上加霜。

Partick指內地品牌攻港最直接的影響是租金失去下調空間，「你唔要（間舖）有其他人要，有大品牌會嚟......佢哋（內地品牌）始終咁大公司，係有辦法要到啲更平嘅、甚至預製好嘅食材」。

憂香港餐飲特色消失：慢慢發生緊

Partick曾到沙田了解一眾攻港品牌「對手」，沙田新城市廣場有八合里火鍋、太二酸菜魚及探魚等店，但似乎首波熱潮過去後，「八點行過已經無乜人排」，估計不少港人在香港嘗過後，寧到在內地以更便宜的價錢光顧同一品牌。他又擔心香港餐飲特色慢慢消失，「我覺得已經係發生緊，有啲支持唔住嘅就係幾十年老字號」，難再受外國遊客青睞，「希望政府都可以幫忙，推廣吓本地特色品牌」，同時希望「市民知道用心經營嘅餐廳，可以多啲支持」。

「無助大於經營困難」

Patrick形容2024年「無助大於經營困難」，就算推優惠套餐、找KOL宣傳等也成效不彰，「以前六月周年活動做好大嘅折扣，都會反應熱烈要排隊，但今年已經大不如前，有啲分店都坐唔滿」。Patrick希望現時已到谷底，展望明年也不敢樂觀，「我唔敢話會更加差，但都無誘因見到佢真係會向好」。他仍打算堅持下去，「又未係完全唔值得去搏一舖……如果你選擇放棄，咁多年嘅心血就無晒」。