姚焯菲西貢被野生捕獲 孖滕麗名同框為《愛．回家》開工

「聲夢小花」姚焯菲（Chantel）新西蘭中學畢業回港後，將留港近9個月，早前已表示會加入處境劇《愛．回家之開心速遞》嘅佢，話自己會成為「熊」家親戚，令網友引頸以待！估唔到好快就有機會見到Chantel現身，因為日前有網民喺西貢捕獲Chantel，見佢獲《愛．回家》「熊尚善」滕麗名傍住開工，二人街頭傾偈言談甚歡，原來Chantel係為《愛．回家》劇組開工。

其實Chantel不但為《愛．回家》唱主題曲《這個家》外，佢曾受訪指自己係劇集忠實粉絲，並自爆最鍾意「金城安」，希望可以做其表妹一角，今次真的能夠圓夢，果然受到公司寵愛。劇中Chantel因做交流生，由澳洲返港入住熊家大家庭，得到熊家上下照顧。