小薯茄吳冰細妹被指偷食已婚健身教練 新婚3個月大婆捉姦在床拍埋片 小薯茄回應︰事件不牽涉公司成員

早前Youtuber混血肥仔疑似背妻偷食女同事丁丁（丁彥均）事件尚未降溫，又有一單網紅界花生爆出！尋晚一段捉姦在床story喺IG瘋傳，拍片女子指控其任職健身教練老公，喺自己開設嘅健身室同另一女子疑似鬼混。大婆更喺story直接開名指控，疑似小三嘅女子係網路創作團隊小薯茄成員吳冰嘅妹妹吳泳。

爆料大婆貼出多張照片，當中一張相中有位女子喺健身室閣樓嘅床褥上，只係以被鋪遮蓋身體，但未有見到樣貌。大婆同時貼出疑似老公同小三對話cap圖，另一方嘅名字為「小薯茄泳泳」。另一段片中，大婆拎起牛仔褲，直接打caption「上PT唔使著褲」，再tag埋老公以及小薯茄阿冰嘅IG。影片其後見到健身室閣樓懷疑有人喺度，而一名身型健碩男子隨後入鏡。爆料大婆之後再喺story以文字交代捉姦事情始末 －

根據當事人IG資料，佢同健身教練老公11月結婚，至今新婚僅3個多月。有網民踢爆，涉事健身教練同小薯茄時有合作，不時喺「出事」健身室拍片，小薯茄成員程仁富更加喺健身教練婚禮上擔任兄弟團。

捲入事件嘅小薯茄喺fb發聲明，表示「本公司與旗下所有成員同樣透過報導才得悉事情，亦立即與該健身教練終止個別成員的贊助合作，就事件為公眾帶來困擾和影響，我們感到抱歉和遺憾。」，又強調事件不牽涉公司成員。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！