揹水一戰2025 ｜75 歲寶伯疫後失業爬 150 座山 「癲傻」老師施性概帶特殊學生衝線｜Yahoo
【Yahoo 新聞報道】慈善越野賽「揹水一戰2025」本周日上演，參加者要揹着 4.8 公升清水，完成 15 公里或 30 公里越野跑，為柬埔寨和尼泊爾等偏遠山區缺水居民籌款興建水利設施，解決缺水及食水衛生問題。賽事每年吸引數以千計跑手參加，今年包括跑齡僅 3 年、現年 75 歲的銀髮跑手寶伯；由 Lego 迷變跑步狂人的超馬好手施性概，今次第九年帶領特殊學校學生出戰。寶伯受施性概的「癲傻」啟發，兩人都因跑步改變人生。
去年首次揹水 700 級「天梯」最難捱
單在 2024 年，寶伯就參加過 23 場跑步比賽、13 場越野跑、10 場路跑。「我志在完成 。我覺得攞獎嘅機會好低嘅，保持輕鬆完成咗就算。」他去年首次參加「揹水一戰」籌得 5000 多元，以 5 小時多完成 30 公里賽事：「應該可以快多少少，但實在唔得啦，有少少後勁不繼 ，驚失足會受傷。」尤其尾段到布力徑，參加者須爬上 700 級樓梯，寶伯大叫辛苦，只能沉着氣不停步：「要保持住返到終點，原來時間都唔錯。」
任職司機被裁 十個月爬 150 座山
作為揹水一戰少數銀髮選手，寶伯贏得眾多歡呼和掌聲，但他的「跑齡」其實只有短短三年。「疫情之後無嘢做，畀人炒魷魚，哈哈！」他本身是職業司機，整天坐在軚盤前，被公司裁員後無所事事，倒不如運動一下。他在網上看到一張「香港山峰 150 座排行榜」，發現不少人都會根據排行榜逐座高山挑戰，腦海浮出一句「Why not me」就起行。寶伯原先計劃在一年內完成挑戰，最終只花十個月就走遍 150 座山峰：「今日計劃要行幾多個山，就行幾多個山，中途唔行會打擊到信心，一定要捱埋佢。」
跑出健康 「身體會補償你」
自此寶伯停不下腳步，一有空就由彩虹邨經山路跑到葵涌和宜合道，陸續參加大小比賽，包括越野賽「香港100」和「魚羊賽」（Ultra Fish N Sheep 50 越野賽），今年初以 2 小時 21 分鐘完成半馬，寶伯的備註是「快過發哥 10 分鐘」。被問到為甚麼會愛上跑步，寶伯想了想，也說不上來：「有時都唔知為咗乜，不過原來你跑完好攰，身體會補償你，就係好多安多酚呀！令人好歡愉，心好平和。」愛上跑步後，寶伯腰痛不再，輕微高血壓消失，更笑言「健康啲，食嘢都好味道啲」。
劍指「大滿貫」獎牌
比賽氣氛也是寶伯的推動力，揹水一戰也成為他最喜愛的越野賽：「籌款係一回事，玩過之後發覺氣氛好熱烈，你會被其他人感染到，所以先吸引到咁多人參加。」他今年再度參賽，不追求突破去年記錄，但希望能完成五屆賽事，取得賽事的「大滿貫」紀念獎牌。此外，寶伯更希望能跑一次全馬，以及參與一次「癲傻跑」── 由本地超馬好手施性概發起的長途跑。
「癲傻」特殊學校老師也揹水
訪問期間，寶伯一直向記者介紹施 sir，大讚對方犀利，剛好施 sir 也是揹水一戰常客。46 歲的施 sir 是匡智會獅子會晨崗學校老師，跑界出名的「癲傻」跑手，例如在參加全馬前，會從住所跑 11 公里到起點，每早上班前也會跑 7 公里回校。他更創辦一年一度的「癲傻跑」挑戰自我，由青衣出發圍繞九龍新界連續不停跑一圈，每年加 2 公里，最新記錄是一口氣跑 262 公里，吸引不少跑者加入。
癌末病人捐 Lego 珍藏 深受啟發：開始跑步想健康啲
施 sir 坦言最初沒想過自己能夠影響他人：「梗係無諗過啦，係影響自己，跑步對我真係好大影響。」他沉迷跑步前的嗜好是砌 Lego，組織了過幾千人的 Lego 迷群組。20 年前，他發起義賣 Lego 籌款活動，有響應者捐出大批珍貴收藏，交收地點竟是療養院：「佢有末期癌症，去到嗰刻，你有幾多 Lego 都無用，個感受好深，所以我慢慢開始跑步，想健康啲。」
跑上癮帶隊比賽 特殊學生自信增
本來只在運動場慢跑減肥，施 sir 有日心血來潮跑上街頭，越跑越遠，猶如上癮一樣：「三日唔跑我會好唔開心。」他還將跑步帶進校園，組織長跑隊，帶領學生多次參加本地和海外比賽。晨崗學校專門照顧輕度弱智及自閉症學生，大部份同學不擅表達或是欠缺自信，而跑步不但帶來滿足感，亦能鍛練體力，為未來職場生活做好準備。施 sir 續指跑步令師生關係更緊密：「喺山上面，我多啲時間同佢慢慢溝通，個關係會密切咗。有啲嘢平時唔講嘅，同你熟咗就會講畀你知。」當學生口渴或抽筋，施 sir 遞上清水，送上按摩，都是建立關係的好時機。
「等埋大家一齊到終點」
施 sir 過去八度帶領學生挑戰揹水一戰：「原來佢哋唔係淨係被人幫忙，佢哋都可以貢獻自己力量為需要水利設施嘅人籌款，我覺得好有意思。同埋好有氣氛，義工好落力打氣，佢哋本來跑到攰，一聽到打氣又即刻生猛返。」今年晨崗學校將會派出三隊師生隊出戰，成員包括 18 歲吳俊奇和 16 歲李卓謙，兩位都隨施 sir 練跑，曾遠赴台中參賽，雙雙表示對揹水一戰十分有信心。施 sir 坦言對學生來說，揹着 4.8 公升水跑山殊不簡單，而團隊並不求快：「如果得一小隊，係可以好快完成，但係我哋目標係全部人一齊完成，等埋大家一齊到終點。」
