李天縱囡囡一日返兩間幼稚園 獲頒證書及獎狀努力認同
現年38歲嘅2011年落選港姐李天縱，2018年與內地導演唐寅拉埋天窗，並誕下囡囡Amber。喺結婚產女後，2022年參與無綫真人騷《香港小姐再競選》及出演《隱形戰隊》，現處於半息影狀態。上年佢囡囡一日返兩間位於九龍塘嘅幼稚園，上午班而英文為主，而下午班班則而廣東話為主。
李天縱囡囡喺上午就讀基督堂幼稚園（CCKG），而下午校就係入讀創價幼稚園（Soka），而佢為咗節省來回時間，購入一架七人車方便接送囡囡由元朗屋企到幼稚園。另外，佢曾經表示朝早7點半就會抱囡囡上車，然後就會洗漱、吃飯同埋換校服，去到12點放學就會喺車入面食晏同瞓晏覺，結果被網民批評係怪獸家長。
而李天縱就喺社交網站解釋，呢個安排係由於囡囡唔鍾意講普通話同廣東話，而英文就比較好，所以希望囡囡可以喺學習語言上有更好嘅基礎。佢仲話讀兩間學校係好普遍，好多囡囡CCKG嘅同學都係讀兩間。
李天縱不時喺社交網站上載囡囡嘅「戰績」，好似日前就先後上載GESE英語口語證書、普通話水平測試證書和朗誦比賽獎盃嘅照片，並分別留言話：「收到GESE新鲜證書一枚，很開心四歲收到GESE英語口語證書並且獲得了distinction的好成績。Amber的英文在家基本是工人哥哥上課跟的，所以工人哥哥知道考的這麼好的時候特別開心，考試內容很簡單，都是基本的，但要看臨場發揮反應的好不好。總之小朋友抓住每一個可以鍛鍊的機會，一定會越來越好。四歲只有一級可以考，如果要跳級一定要等五歲之後考二級和更高的級別。」及「收GAPSK普通話水平測試卓越一級，之前的比賽證書終於收到啦，一個朗誦冠軍，一個季軍還有一個幼稚園中級普通話的卓越一級，校長和老師都很開心，一起跑出來合影留念鼓勵Amber」。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
