泳兒新歌《無糖可樂》MV解封自己愛情故事 想做自己MV導演

繼去年《Ride It Out》後，泳兒（Vincy）開啓她音樂企劃的第三章，2025年第一炮的作品《無糖可樂》正式上架。這次她不再飾演其他角色，因為歌曲的主角正正就是她自己。

一直以來Vincy都甚少分享她和伴侶的小日子，這次歌曲及MV以情侶日常為題，找來情侶組合「小塵埃」合作，寫一首最純粹平實的愛情小品，讓大家感受細水長流的幸福，Vincy坦言自己並非sweet的人，「我係take action嘅人。譬如佢想我幫佢做啲乜，我會即刻做。我哋兩個都係怕羞嘅人，唔會攬攬，係會大家拍吓膊頭咁樣。」歌曲圍繞自己故事，Vincy再次邀請她非常信任的黃偉文（Wyman）填詞，將自己的愛情日常一一告訴他，Wyman亦決定為她寫一首關於愛情長跑慶祝紀念日的歌。最巧合的是，她與Wyman分享自己愛情小故事當日，正正就是Vincy跟男友的拍拖周年紀念日！編曲監製方面，Vincy首度邀得蘇道哲合作，盼望能為聽眾帶來更多新鮮感，就如《無糖可樂》，新鮮感可以由二人自製，只要找到兩個人的一套生活哲學，一起悶，就不怕悶。

MV方面，Vincy亦擔任creative consultant一職，「有份揀寵物演員，因為我想揀一隻識笑嘅狗，所以就揀咗『細細』。亦有份負責度故仔，尤其是某啲情節，希望比較貼地。例如有一part本身諗住寫字條俾對方，但我覺得現代人多數用電話，所以呢啲細節都會同導演Sheng溝通，點樣可以更貼近我嘅生活。」MV中不少情節都是Vincy的日常，她表示最喜歡夜晚睇戲一part，「因為我覺得兩個人同埋寵物，簡簡單單喺屋企煲劇睇戲已經係一件平淡得來又幸福嘅事情。」Vincy這次比以往參與幕後度更高，她謂：「其實自己對拍片同剪片都好有興趣，近期都會出多啲片自己剪吓片。希望儲多啲經驗以後可以有一部自己執導嘅MV。」