車cam直擊｜深圳灣大橋遇上停定工程車 兩車及時閃避逃過一劫｜Yahoo
【Yahoo 新聞報道】在高速公路上停車向來都是危險行為，如有必要也最好預先作準備，盡量避免潛在意外發生。昨日（26 日）有網民在 Facebook 的「車cam L（香港群組）」上載片段，指昨日下午在深圳灣公路大橋往香港方向行駛時，見到前方的士突然扭左軚，未幾就發現快線有一輛跟工程車停泊在快線，片主也只好隨即扭左閃避，否則大有可能撞向工程車。上載片段的片主也評價：「深圳灣橋接工友收工都唔係咁 L 癡線吖」。
片段所見，事發在昨日下午接近 5 時。片主的紅色車跟着前方的士在快線行駛，前方的士其後打「死火燈」，之後稍為減速並打左燈。前方的士正在切往中線期間，片主的車輛就見到快線的工程車。由見到工程車，到片主車輛轉左再駛過工程車，只有不足 4 秒。而當駛近工程車時，從片段亦可見有最少 4 名工人站在工程車旁邊，疑似準備登上工程車。而涉事的工程車亦疑似沒有亮起「死火燈」。
網民：唔好跟車太近
片段發布後，不少網民都指事發場面相當危險，「睇吓佢地幾時一鑊」、「箭咀車都唔落」、「所以唔好跟車太近，佢再遲 d 先 cut 線，真係陰到你實晒」。不過亦有網民質疑片主的紅色車，以及前方的士都有不對的地方，主要都是批評他們持續在快線行駛，沒有靠左駛，本身都不合規，「點解要行最右線？」、「中線無車都唔行，係要跟人車尾做快線 L，炒車都係抵死」。
去年鐵騎士撞巡邏車車尾不治
去年 10 月，青馬大橋發生過致命車禍，22 歲鐵騎士高速撼上停泊在慢線的巡邏車車尾，最終傷重不治。當時涉事巡邏車疑未有將雪糕筒置於後方，也未亮起「死火燈」。中國香港汽車會永遠榮譽會長李耀培當時建議，日後在高速公路上的巡邏車都應參考路政署的《道路工程的照明、標誌及防護工作守則》。
【相關報道】
