Cookies合體何綺玲受關注！陸永@農夫15年曾公開向Elaine示愛？網民翻出證據

2002成立的女團始祖Cookies近日於鄧麗欣紅館演唱會尾場再度合體，掀起全城回憶殺，餘韻成為網上熱門話題。7位餅碎全部已成為熟女，但依然保養得宜，其中何綺玲Elaine更因一幅童顏臉而受到關注，有網民翻出農夫成員陸永於15年前疑憑歌寄意，公然向何綺玲表白，唱出「最愛Elaine」的心聲。

原來農夫於2010年推出專輯《O’FAMA》，其中同名歌曲由陸永填詞，rap的部份提到「頒獎禮我哋好早就出現，之不過以前睇唔到我哋喺裏面，記得第一年坐喺cookies後面，我最愛嘅elaine唔知而家佢點，再過多一年個座位都無變，再過多幾年我地越坐越前，忽然坐到側田嘅側面……」

不過，cookies成軍僅3年便休團，Elaine到2010年時候已絕跡娛樂圈，有網民認為陸永填詞有可能是「但求順口」，未必是向Elaine示愛，「你哋諗多咗，陸永老婆好靚㗎」。不過，外貌不俗、甚有觀眾緣的Elaine，在當年Cookies組成4人女團時，憑籍人氣一度有機會入選「四餅」之列，但有傳公司內部另有考量，最終選了鄧麗欣Stephy、傅穎Theresa、楊愛瑾Miki和吳雨霏Kary作為重點力捧對象，Elaine在休團後淡出娛樂圈。