kayan9896疑已離巢「試當真」 IG更改工作電郵聯繫方法

26歲嘅kayan9896（吳家忻）因參與頻道「試當真」演出而爆紅，除咗成為時尚品牌新寵兒之外，更以歌手身份進軍樂壇。佢與拍拖兩年Locker（林家熙）分手後，今年5月被網民野生捕獲拍拖後大方承認新戀情並直認已拍拖半年，對方為大生地產發展主席及行政總裁馬清偉與「Ball后」前妻薛芷倫所生嘅大仔馬桂烽（Justin），簡直係愛情事業兩得意。

喺今年3月，kayan9896疑私下喺男友旗下酒店舉行爵士音樂會，游學修出PO以不點名方式鬧人，寫道：「我呢種傻仔好易呃，同我傾生意，氹得掂我就好著數，好易搵我笨，我唔識計的，但你面唔畀錢唔畀情唔講義唔講，我就同你死過」，另外YouTube頻道「試當真」、老闆游學修、Tyson Yoshi、前男友Locker已取消關注kayan9896。

日前有網民發現kayan9896嘅IG已經更改工作電郵聯繫方法，由原本「試當真」更換成其他聯繫方法，疑似已經離巢「試當真」。有傳媒聯絡kayan9896詢問有關事情，不過佢就冇否認，只係以短訊回覆話要等公司回覆返該傳媒。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！