ToNick主唱趙善恆新戀情曝光 女友長文分享同居細節：多謝你既包容

樂隊ToNick主唱趙善恆（恆仔）與譚杏藍（小花）於去年2月宣布結束10年愛情長跑，譚杏藍於半年後公布新戀情，今年8月更被男友Ronald求婚。至於，趙善恆女友近日亦曝光二人同居關係？

趙善恆曾於今年4月九展開騷向傳媒透露紋身師女友Kylah Chan已移民加拿大，需要時間適應Long D。昨日（5日），趙善恆女友Kylah Chan於社交平台分享二人合照及同居細節，並直言與趙善恆經常為生活細節吵架，以及抒發拍拖後嘅改變：「同 @hangjai相處既（嘅）呢段時間，有好多時我地（哋）都因為一啲少事而唔開心。有時係佢冇抹乾淨洗手盆，有時佢一番到屋企就攤喺度睇電視而冇洗衫，跟住當然我睇到緊係唔順眼，所以表達既（嘅）時候又尖酸刻薄又mean。佢尋日話『Show appreciation is a very important part of a relationship』，跟住我當然起晒弶，覺得呢啲唔係基本生活應該要做既（嘅）嘢咩，但諗深一層其實我真係一個唔識表達appreciation既（嘅）人，喺原生家庭環境長大從來都冇聽過一句『多謝』，所有野（嘢）都係應該既（嘅），當然最後父母日日鬧交跟住離婚收場，好多『應該』咁做而從來冇將『多謝』講出口。」

Kylah Chan表示唔應該用對自己個標準去衡量伴侶：「當我大個咗之後我變成一個好獨立嘅人，番工搵錢執屋煮飯我樣樣都做到，但都因為係咁所以我會拎住我對自己個標準去衡量伴侶，我會覺得一個人應該要做到呢d（啲）野，而帶住呢個『應該要係咁』嘅心態真係感情一大傷害，令我睇唔到對方為咗符合我要求要做嘅一啲事。打咁多字只係想講原生家庭對我哋生命嘅影響，有冇人都係同我一樣唔識表達appreciation？Let me give you a hug 一齊學講『多謝』」。佢又感激趙善恆嘅包容，寫道：「多謝你既包容，一齊生活真係唔容易，以後一齊努力。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！