中年好聲音3｜參賽者集體炒車 谷婭溦被批成日鬧人：唔知點解有資格做導師

TVB歌唱選秀節目《中年好聲音3》早前舉行導師分組賽，由谷婭溦、謝文雅、韋綺姍各組隊伍，劉美君應邀任嘉賓評審，以「千禧年代最受歡迎男女歌手金曲」展開上、下半場團戰。日前（12日）播出嘅一集，終於誕生27強，被淘汰嘅係「綠組」尤詩郡和胡家健，佢哋合唱車婉婉與許志安金曲《會過去的》，被各評審批評揀咗首好難唱嘅歌，而二人強項都唔係廣東歌及千禧歌，因而成為全場最低。

除咗尤詩郡和胡家健表現欠佳，其他參賽者都集體炒車，包括擁有一把女聲嘅男參賽者高菲，今次佢就用女聲獻唱《明年今日/十年》，但就被網民批評唱得好難聽，又與拍檔羅逸軒毫無交流，甚至認為佢連累咗羅逸軒；陳溢光則試圖用新唱腔演出，但就被網民指佢全程壓住把聲嚟唱。參賽者以外，就連導師谷婭溦都被批成日鬧人，認為佢鬧人鬧到啲參賽者無晒自信，又指對比起韋綺珊，韋綺珊鼓勵學員嘅教育方式比較好，例如：「谷婭薇 唔好成日鬧人，鬧到佢冇曬自信， 韋綺珊鼓勵學員嘅教育方式好好多， 鼓勵先可以令人有自信，其實谷亞微（谷婭薇）都應該未夠班做老師！」、「完全唔知點解佢都可以做導師」、「成日覺得自己有料又串」及「唔知點解可以有資格做導師，自己都唱歌一般般」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！