30歲關嘉敏與70歲鄧英敏忘我激咀 網民質疑錫嘴戲份大讚Carman專業：有冇需要真咀呀？

關嘉敏（Carman）去年於TVB節目《福祿壽訓練學院終極對決》女扮男裝以「痰輝智」神還原《中年好聲音2》亞軍譚輝智唱《屈到輝智病了》，令觀眾極為深刻。近日，關嘉敏於TVB熱播劇集《奔跑吧！勇敢的女人們》激咀鄧英敏一幕惹網民熱議。

日前（13日）播出一集，講述林采琳（吳若希飾）與禾平（朱敏瀚飾）發現邱生（鄧英敏飾）偷情嘅新線索，並喺名牌服裝店發現鄧英敏真正偷情嘅對象原來係售貨員Lisa（關嘉敏飾），又見到二人激咀。30歲關嘉敏與70歲鄧英敏錫嘴嘴嘅戲份引起網民關注，又有唔少網民大讚關嘉敏專業：「關嘉敏都算有道德，為咗咁嘅小角色，肯同鄧英敏嘴對嘴」、「關嘉敏真慘，要同老人家拍咀戲」、「有冇需要真咀呀？擺明豪比啲老前輩啦！關嘉敏好慘」、「鄧英敏買通導演了」、「Carman今次好搏，我也睇到O咀」、「呢場戲根本唔需要咀」、「條女好博喎，又扮男人又真咀，希望大台咪用完即棄」、「捧佢好過游嘉欣」等等。

對於激咀戲，關嘉敏坦言拍攝甚有難度，透露最初嘅劇本只係寫會有親熱戲，直至去到現場先知道要真咀；表示自己同爸爸或爺爺都未試過錫嘴，加上要對住前輩鄧英敏去做呢件事，所以真係唔夠膽。不過，關嘉敏對於與鄧英敏錫錫，指對方係位好前輩，帶住佢入戲，喺有講有笑之下令佢冇咁尷尬。關嘉敏又指，該場戲份共NG 5至6次，因為有時要就機位，有時就畀人感覺佢唔夠狼死。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！