雅虎香港新聞 名廚重開｜古天樂旗下銅鑼灣中菜廳「名廚」裝修後重開 必食特色粵菜酸湯龍蝦+第一刀膏蟹肉餅
古天樂經營的名廚最近裝修重開，主打一系列特色中菜，當中包括大澳蝦膏蒸肉筋、芥蘭兩味煲、蜂巢九肚魚蠔仔煎等手工美食，想知更多？即睇Yahoo Food專訪：
對於古天樂，不少人第一時間都會想起熱心慈善的金像影帝，但對食家來說，第一時間想起的當然是他在銅鑼灣開的中菜餐廳名廚！適逢名廚開業10周年，餐廳在裝修過後，找來經驗老到的張福叙大廚重新整理餐牌，推出一系列經典巧手粵菜。
👉🏻全新Yahoo Food Instagram上線啦！立即Follow獲取更多飲食攻略
銅鑼灣名人飯堂 全新手工菜菜單
作為名人飯堂，名廚位於銅鑼灣與大坑中間，鄰近中央圖書館，位置旺中帶靜。面向大街的大門並非隨便開放，要進入餐廳，亦要走到旁邊大樓，由侍應引領走到地下一層或直上1樓VIP房，私隱度十足，因此尋常街客幾乎都不會內進。由於餐廳主要招待嘴刁又食均山珍海味的食客，菜單簡單一點都過不到關，「我哋主打傳統中菜，由60、70年代嘅菜式都有。」今次菜單由新加入，曾於國金軒及滿福樓任職行政副總廚，北京香格里拉酒店香宮任主廚等多間知名食府的張福叙大廚主理，將傳統中菜融入創意，果然讓人充滿驚喜。
當日品嚐的菜單可以說是包羅萬有，由名貴海鮮、暖胃鍋物至佐飯小炒均一應俱全，當中首推「龍皇藏金衣」，彷似平時常見的龍蝦伊麵，一入口卻是另一種全新滋味，但重點並非落在龍蝦身上，而是放在底層的麵食，「一般都係煎米粉底，但我哋做咗個突破，就係河粉配薯粉底，如果單單河粉，口感無咁過癮，但如果只係薯粉又太過煙韌，再配上酸的魚湯，感覺就特別啲。」問師傅既然用上魚湯為何不乾脆配上魚片，師傅笑言：「唏，酸菜魚我哋有做嘅，但龍蝦矜貴啲嘛。」
選用澳洲南澳龍蝦，湯汁比起平日酸菜魚濃厚，河粉跟薯粉吸滿魚湯精華，微酸的湯汁格外開胃。
精做家常菜 第一刀配膏蟹
曾聽過別人說，有錢人其實最愛吃家常菜，只是有錢人的家常菜在大廚主理下，大概都跟平常人不同，好像常吃的蒸肉餅，就變成「橫行抱玉」，所謂的「橫行」其實是說螃蟹，再配上豬肉的第一刀，小小一份但賣相威武，「一隻豬只可以整到4、5份，再將膏蟹嘅膏融入肉餅入面，食起來特別滑。」張師傅說，吃起來多了一陣蟹膏的油香，不過口感比起正常肉餅鬆散，要有心理準備口感有點像「老少平安」（豆腐蒸魚滑）。
數量相當有限，肉餅需要花時間全人手剁碎，比起平日的肉餅軟綿。
除了第一刀，名廚還有一道看起來平平無奇的大澳蝦膏蒸肉筋，用上每隻豬只可以做3份的豬筋。豬筋吸滿鹹香蝦膏有多好吃不用說，但最大的亮點必定是看似只是普通炸豆腐的鮮竹，一咬開發現入面竟像千層蛋糕般層次分明，「我哋會將腐皮一層層咁疊上去，係豆腐皮嘅第一層，蒸完再炸，好考心機。好多人會用支竹疊，快呀嘛，但嚡口好多。」所謂的手工菜，就是連配角都要用心做到最好。
豬筋口感猶如牛筋般軟腍，豬油香跟蝦膏混在一起，佐飯一流。
芥蘭煲都二食 古生愛簡單
以為只有海鮮跟肉食才如此用心？非也，張師傅就連芥蘭煲都將葉和莖分開，將菜葉炸香再倒入炒得爽口的芥蘭煲當中，讓你在同一款菜都可以品嚐到兩種滋味。在訪問最後，八卦想問一下古生平日最愛吃哪道菜，張師傅笑住只透露古生平日吃得簡單健康，再多就不再說，擺擺手再笑說：「我哋做廚房嘅，都係專注返喺菜式度。」的確，即使沒有古生光環加持，我相信名廚菜式水準之佳亦會令這家中菜廳客似雲來。
帶有大排檔風味，將芥蘭變成兩種煮法共冶一爐，相當有巧思。
平日多數吃煎蠔餅，但今次加入九肚魚，感覺是海鮮大集薈，面層加入炸蛋碎，吃起來更香口。
如果想吃米飯又不想吃白飯？推介一人一件的香煎粢飯，感覺有點像煎香的臘味飯。
同樣是升級版的雞煲，每件雞件跟鮑魚都沾滿醬汁，惹味非常。
選用內地黑羊，羊味不會太過突出，羊腩炆得軟腍，雖然價錢比坊間貴出不少，但亦算值得。
名廚
地址：銅鑼灣摩頓臺5號百富中心地下及1樓（地圖按此）
電話：2870 1102
營業時間：星期一至日 06:00pm-11:00pm
常見問題
問：2023年尾銅鑼灣有甚麼新餐廳？
答：由佳民集團黄佩茵Yenn Wong與總廚兼創辦人Manav Tuli共同打造，現代印度餐廳LEELA選址於銅鑼灣利園三期試業......詳情按此
問：銅鑼灣有Cafe推介嗎？
答：銅鑼灣耀華街小店Coffeeology的抹茶芝士蛋糕。小店幾個月前由街頭搬至街尾，細舖搬大舖，餐牌也比以往豐富，招牌芝士蛋糕外，新亮點是只限星期五六日供應的Tiramisu....詳情按此
全新訂座平台「Yahoo訂餐廳×Openrice」正式上線！
更多銅鑼灣美食推介
銅鑼灣美食｜東京超人氣拉麵店「鬼金棒」 全新姐妹店「鬼金棒牛骨湯拉麵」 必食「極濃10度」奶白牛骨湯
銅鑼灣美食｜現代印度餐廳LEELA利園三期開業 必食Saoji咖喱羊膝/華記農場豬肉Pandi咖喱
銅鑼灣美食｜銅鑼灣皇冠假日酒店炭烤扒房CARVER 全新晚市嘗味菜單/商務及週末半自助午市套餐
銅鑼灣美食｜過百年壽司過江龍「龜井鮨」 聯乘生酮顧問 推全港首創生酮友善菜單
銅鑼灣MUJI無印良品旗艦店開幕 27,000平方呎全港最大！率先試皇室堡限定和牛面肉飯/限購本和香糖撻
銅鑼灣美食︱打卡工業風cafe細舖搬大舖！米蘭取經自家製Tiramisu+ 24小時龍蝦意粉+芝麻千層蛋糕
銅鑼灣美食2023｜12間超高質餐廳推介 爆餡吐司/自家製越南粉/西班牙Tapas $45起
銅鑼灣美食｜宮崎肉本舖秋日餐單 150分鐘燒肉放題食盡宮崎A5櫻花牛/北海道花咲蟹+長者8折優惠/限定$98學生午餐
銅鑼灣美食︱全港唯一「泰豬鍋」專門店 又滾又燒 必叫泰式豬梅花肉
Omakase優惠｜日本席前料餐廳「昼月」買1送1 食鹿兒島A5和牛/北海道海膽+$98女士清酒之夜享3小時任飲
銅鑼灣美食︱日式pancake專門店！和牛漢堡鹹班戟+72%黑朱古力醬焦糖燉蛋班戟
銅鑼灣美食2023｜12間超高質餐廳推介 爆餡吐司/自家製越南粉/西班牙Tapas $45起
Aroma Wine Bistro銅鑼灣全新法式小酒館！Cupping Room同集團 $290 Wine Flight/新鮮手工意粉/米芝蓮三星薯條
銅鑼灣美食︱戲棚花牌鵝頸橋四季火鍋店 招牌胡椒豬骨花白鍋+即炒辣雞煲 推介鹹食心太軟
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
