吳千語為文詠珊提早慶生 意外曝光上海複式別墅內部 大廳竟有巨型歐式火爐

吳千語（Karena）與「百億富三代」施伯雄（Brian）於2023年12月結婚，去年8月喺意大利補辦婚禮，選址托斯卡納一處別墅莊園Borgo San Felice，該莊園由1768年被改建成別墅，過千年建築歷史，並擁有私人教堂和花園。吳千語好友文詠珊（Janice Man）當時因工作關係未能親身出席婚禮，曾被網民聲討，不過並無影響兩位嘅友情。早前，吳千語更為Janice Man於上海大宅舉辦生日宴會提早慶祝36歲生日。

吳千語喺社交平台分享多張Janice Man生日宴會照片，表示用咗幾日時間策劃，由復古主題、色調、餐單及佈置皆完美呈現於眼前，包括聘請婚禮策劃師到家中佈置及親自下廚食物：「涼菜、炆菜一般可以先準備好，前一天晚上醃好的烤雞，算好時間放烤箱裏，西餐的好處就是備好菜之後比較簡單」。主角Janice Man身穿一字領酒紅色長裙，其他姊妹則以大地色穿搭作襯托，夠晒老友。壽星女亦不忘打卡留念；從照片所見，吳千語嘅豪宅裝潢以白色簡約風為主，大廳具有巨型歐式火爐及一張售價約50萬港元嘅意大利品牌Halo梳化，梳化為L字型設計，吳千語曾於接受內地網紅家居訪問時大讚梳化夠深，背部承托亦好好。另外，由於吳千語所住嘅係複式別墅，因此大廳設有旋轉樓梯，而主人房同樣走簡約風，浴室則設有一個圓形大浴缸，旁邊擺放數個蠟燭造型嘅座枱小燈，既浪漫又充滿情調。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！