專訪｜富臨旗下餐廳爆性騷擾 女侍應被上司叫「大波蓮」 向平機會申訴：無人企出嚟，我企出嚟｜Yahoo
（1月7日新增平機會回覆)
【Yahoo 新聞報道】富臨集團旗下餐廳疑爆性騷擾事件。受害人林小姐在網上控訴，在「Terrace in Seaside」又一城分店任侍應，遭同店經理及店長等人言語性騷擾。林接受《Yahoo 新聞》訪問時稱，有關人等不斷稱她為「大波妹」、「大波蓮」，她曾嘗試不回應，「但佢哋都係一直嗌，嗌到我應為止」，令她出現失眠症狀。她已就此向平機會投訴，「真係頂唔順，無人企出嚟，我咪企出嚟」。富臨稱，已成立獨立調查隊伍徹查事件。
平機會回覆稱，對事件表達高度關注，在收到相關投訴後，平機會會根據既定守則作適當跟進行動。由2020年1月至2024年11月，平機會按《性別歧視條例》共收到930宗性騷擾的投訴，當中有690宗（74%）是涉及僱傭範疇的投訴。
被分店經理稱「大波妹」 更表寫「大波蓮」
林小姐在Threads爆料，即引來過千留言、1.4萬讚好關注、逾6,600次轉發。今年18歲的林小姐憶述，去年11月16日入職上述分店做兼職，上班僅僅四天，便遭到同事的言語性騷擾。名為Mavis的分店經理為林改了花名「大波妹」，其後被加入「報更」WhatsApp群組，Mavis在組內傳出報更列表，更在表上直接寫林為「大波蓮」，著她填下可上班日期，「add我入group第一件事就係幫我寫花名，而唔係叫我自己接龍填名報更」。她指除了Mavis，另外兩名同事「阿K」（副經理）及「米奇」（店長）均曾與她接洽工作事宜，「佢哋三個都有問過我叫咩名，完全係特登」。
在林小姐當值期間，疑似性騷擾行為變本加厲，「第一日係（叫）大波妹，後面（日子）就變成大波蓮」，她亦聽到有同事與Mavis談話時稱「佢知唔知自己叫大波蓮㗎？」「佢梗係知啦，呢度佢最大波呀嘛！」等，令她感到不安。她最初以為「改花名係一種歡迎嘅意思，同埋最初無太過份，就無清楚講明自己唔鍾意」，但上班第三、四日她發現同事「完全將大波蓮代替我原本個名，我就意識到大鑊，有嘗試過佢哋用花名叫我嘅時候唔回應，但係佢哋都一直嗌我花名，嗌到我應為止」。
被嘲用身體曲線拉客
除了改「大波蓮」花名外，林小姐曾在拿熱咖啡時發現咖啡杯擺放位置偏斜而開始搖晃，向同事阿K查詢時，對方稱「你對奶都會搖啦！」引來其他同事一同嘲笑。Mavis又在林小姐拿餐碟時稱「你個波咁大，用嚟頂住做防撞欄啦咁安全點會跌」。Mavis又曾叫林小姐站到店舖門口「拉客」，並稱「挺直啲，用你身體嘅曲綫吸引啲客」。
林小姐指被改花名者不只她一人，有同事因為弄破開水水壺而被稱「公主」，「好狼孭咁執好似灰姑娘」；另一名與「公主」傳緋聞的同事則被稱為「馬車」，「話同公主有啲曖昧係咪畀佢騎過」。
事件曝光後未獲分更
事件曝光後，林小姐指工作WhatsApp群組昨晚傳出新一星期更表，更表新設「暱稱」一欄，並以林小姐的英文名字作稱呼，「即係證明佢哋明明知道我有英文名，但係都依然選擇嗌花名」。不過分店以「生意上有輕微跌幅，所以未能滿足各同事」為由，在新更表未分更予林小姐，但林就指有另一兼職員工可一周上班四天，「明明佢可以留兩日畀我」。
林小姐指過往於其他公司工作時，亦曾被不同程度性騷擾。她曾於日式壽司店工作，「廚房有個經理，有一次喺我幫手出壽司嘅時候，喺我身後同我講『你真係好索呀！如果後生多10歲一定強吻你！」林事後回想：「之前無諗過呢啲係性騷擾，只係覺得對方好煩，而家知道了」。她亦曾在擔任便利店職員時，「有客拎住盒condom無埋單，喺我面前準備走，我截住佢，佢就笑笑口話，下次先同你玩啦靚女」。她因此上班時「著得密實」，避免突顯身材。她中學時曾患抑鬱症，在Terrace in Seaside遭到性騷擾後出現失眠症狀，「我真係好擔心會復發」。
冀涉事職員鞠躬道歉：最好炒埋
事件在網上發酵後，林指一名自稱餐廳總經理及另一名富臨集團人事部同事與她聯絡，她希望涉事三人可當面向她鞠躬道歉，「最好炒埋啦 ，呢啲人點會識收口，道歉完放吓假之後，又返嚟性騷擾同埋職場欺凌人哋，劣根性」。對於不少網民在其帖文下留言表達支持，「多謝佢哋支持我，其實我無諗到會有咁大迴響，因為老實講我對職場霸凌同性騷擾無一個明確嘅認識，呢啲學校唔會教你呀嘛！」不過帖文下亦有網民留言稱「咁大波蓮妳係咪真係好大波先」、「可以睇下有幾大？」「幾大，已J一次」等，林直言「對於對我評頭品足，嗰啲會覺得有啲核突囉，香港男人真係可悲，單憑一張相可以作到本金瓶梅出嚟」。
Terrace in Seaside社交平台發聲明指，已將涉事員工停職及處分，但林指其中一名有份帶頭嘲諷她的「米奇」仍如常在工作群組傳出工作文件，停職狀況成疑。富臨集團回覆《Yahoo新聞》指，已即時安排人事部同事成立獨立調查隊伍徹查事件，即時向一名涉事同事發出警告信，及著其停職候查。人事部亦派員至分店與各同事會面，了解事件情況及進一步調查，不排除會再作處分。公司對有同事受到冒犯深表歉意，亦有就《性別歧視條例》，訂立防止性騷擾政策及指引，鼓勵員工遇事後透過公司內部設立的熱線，即時向人事部或管理層反映。富臨又稱，已先後委派另一分店分區經理，以及人事部同事，嘗試透過電話及短訊與事主聯絡，惟至今仍未獲回覆，期望在事主感到安全和舒適的情況下會面，以全面了解事件。
