「明登戀」話題停不了 Edan呂爵安15字回應與林明禎巴黎密會

男團MIRROR成員Edan（呂爵安），前日（5日）於銅鑼灣出席活動，唔少粉絲到場支持，場面墟冚！Edan喺接受訪問時被問到與緋聞女友林明禎遠赴巴黎密會，亦有親自15字開腔回應。

活動期間，Edan大玩韓劇《魷魚遊戲》中嘅遊戲，並表示已經極速睇完《魷魚遊戲2》，佢表示劇中嘅豬仔錢罌最得佢嘅歡心，司儀「正印」阮小儀就介紹指其名稱叫「金豬撲滿」，Edan笑稱已經叫「小如豬」（同佢妹妹一樣），之後再稱小儀做「小儀豬」，冧得對方一陣陣。

喺接受傳媒訪問時，Edan表示已經用兩日時間睇完《魷魚遊戲2》，並認為自己係最大機會走到最後，而蠻力嘅遊戲要出茅招，因為唔夠Stanley同Alton玩，佢覺得Anson Lo及Jeremy應該係最先出局，而姜濤喺玩遊戲時比較癲，有機會撻着勝負欲，至於遊戲負責人「001」吳寧一就可以由Lokman擔任。

Edan啱啱推出新歌《純銀子彈》，佢透露今年會將重心放喺音樂上，希望可以出幾首自己創作嘅作品。 另外，佢仲提及新歌有唔同嘅解讀，被問到係唔係同最近新聞有關，佢就話唔會否認嗰啲係佢一啲嘅感受，不過有時大家諗多咗或者去咗另一個方向，佢主要係想表達自己嘅感受同感覺。

「大馬女神」林明禎與Edan自上年7月被網民野生捕獲於歐洲撐枱腳，因而傳出戀情。「明登戀」嘅話題至今都係沒完沒了，最近仲有指上年年尾Edan與林明禎喺巴黎密會，而佢就為事件作出回應：「有睇到嘅，工作以外既事就唔評論啦！」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！