蘇志威劉小慧2名女兒遺傳優良基因 細囡Ina擁纖長美腿 曾被稱「少女版龔嘉欣」

組合草蜢成員蘇志威與太太劉小慧於 1997年結婚，育有大囡蘇君蕎（Yumi）和細囡蘇靖珺（Ina）。蘇志威不時於社交平台大曬家庭照；近日，蘇志威又分享一家人於2024年末旅遊嘅合照，指細囡Ina於10年間已從小女生變成少女。

蘇志威於社交平台PO出全家旅遊照片，寫道：「2024年最後幾天，話說大約10年沒有一家四口去旅行（沒有其他朋友同行）～Ina的改變最大~從小女生到少女的過程，去那裡都好，有你們便好。我們今晚便回來，因為，要回來赴約！每年1月1號約定你們一起看日出，晨光第一線」。有網民更留言指蘇志威被三位美女包圍好幸福，從照片所見，細個係「四眼妹」嘅細囡Ina宜家已經靚晒，仲擁有一雙纖幼長腿。不過，因為雙腿比例甚怪，惹起P圖疑雲，劉小慧就代澄清指Ina本身係唔合比例地瘦，又指瘦到似香雞所以引起誤會；蘇志威則指Ina因為想高過爸爸，所以穿上有一定高度嘅鞋。

其實過往都有唔少網友大讚蘇志威與劉小慧兩名女兒與媽媽如餅印般一樣，遺傳優良基因，2021年，二人曾帶同細囡Ina、蘇志威哥哥與蘇永康組隊擔任李思捷主持嘅TVB節目《思家大戰》，Ina直率活潑嘅表現就連李思捷都忍唔住大讚：「Very Cute」，而且其甜美樣貌引起網民注意，被指「少女版龔嘉欣」。至於大囡Yumi則於2018年轉赴日本升學讀甜品課程，現時已學成回港開設餅店創業，不時又會開班授徒。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！