楊天命曾預言特朗普或被開槍 預測日本地震本地樓市港人健康
新一年來臨，由東方昇和專家Dickson主持的節目《國家級任務》邀得堪輿學家楊天命擔任嘉賓，預測2025年（蛇年）的運程。楊天命去年曾預言特朗普有機會當選美國總統，但應該有生命危險，且指出行刺武器有機會是槍，結果應驗了。楊天命又談到日本會否地震，以及香港的樓市及港人的健康狀況。
毛記電視節目《國家級任務》再度邀得楊天命擔任第183集嘉賓，預測來年的運程，影片名為「日本會唔會地震！？馬斯克行衰運！？15/01《國家級任務》第183集 - 楊天命師傅預測2025蛇年運程」。去年，楊天命曾於台灣節目指特朗普有機會當選美國總統，不過會有生命危險，且有機會與槍有關。結果在一星期後，特朗普於加州造勢會場內險被開槍暗殺，其耳朵遭子彈擦傷。
楊天命又於節目中大談世界運程、股災、馬斯克、日本地震、香港來年運程、本地樓市走勢、香港人健康運勢、東方昇和專家Dickson的來年運程。日本是不少香港人的「鄉下」，楊天命提醒大家要小心日本有大地震，「連佢哋個政府都係講緊，就要小心啲，嗰個唔知咩板塊有機會已經鬆鬆地。仲有本書就係有個漫畫家好多年個個都講緊，佢發夢就會寫低見到嘅情景，都係講緊嚟緊嘅七月講埋唔知幾多號日本就會有大地震。我專登問個天日本七、八月有冇大地震，七級或以上嘅大地震，個天話係有嘅。我就自己都講就係話喺七、八月就暫時唔好去日本住，但係佢有好多嘅預言係好誇張，嗰個板塊一郁就唔知點樣折咗個島出嚟，跟住唔知邊個地方就連埋咗，香港呢就容易有海嘯，有冇得咁誇張？即係我又睇唔到喎。我就睇到日本真係有大地震，即係都多人有事嘅，我哋就唔好去玩住，避一避囉。」
本地樓市走勢方面，楊天命謂：「都唔洗升住啦，點解會升呢？跌得勁，你咪有機會入市囉。我由上年都話叫人哋唔好買樓，𠵱家跌到幾平，估唔到嘛，但都唔洗買住，儲吓錢先，跟住先入市，唔好咁心急。」至於香港人的健康運勢，楊天命說：「啲人又話有大瘟疫、疫情，我又睇唔到喎。個個人已經有抗體，成日都有疫情㗎喇，已經習慣咗個模式，所以都唔會好大件事，但啲人話會好大件事，我又唔覺喎。」
