炎明熹Gigi入雪櫃半年工作量大減 突推新歌唔通解凍有望？

「聲夢小花」炎明熹（Gigi）喺出道後備受力捧，不過上年疑因有意唔續約TVB而遭雪藏，工作量大減，就連台慶盛事都無份出席，直至早前推出新歌《最動人一次》，又為主演嘅音樂特輯《戀上西沙》出席宣傳活動，不過之後就未有露面。

雖然炎明熹嘅工作量近零，但佢喺呢段時間仍積極經營社交平台，同粉絲分享生活點滴，好似最近佢就上載多張靚相分享佢嘅重慶之旅，並留言話：「我的第一次……或者……是最後一次。唔知你哋明唔明，要維持扮cool真係好難，我放棄了挑戰。。。。。。同埋其實我有去搵A仔同D仔，但係我哋竟然唔記得影相留念。求回答（我的Baby fat好似減少了，因為我發現我的面形好似同以前唔一樣了）你們覺得呢？難道我的膠原蛋白流失了？」

日前，炎明熹嘅粉絲後援會喺社交網站幫偶像為内地劇集《錦囊妙錄》錄製主題曲《明月》宣傳，唔少網民都表示興奮，更有粉絲認為佢即將解凍。不過有指呢首歌喺兩年已經錄製好，並且獲得製作人選中，唯最近先知隨劇集播出而出街。另外，有指劇集製作人好欣賞Gigi喺《聲生不息》嘅表現，所以揀佢為劇集主題曲獻唱。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！