雅虎香港新聞 開業僅4個月火速入選米芝蓮推介！越南籍KOL灣仔開地道越式法包店「品味Banh Mi」越南直送扎肉肝醬/本地製作法包限量100個
越南菜除了Pho，你還會想起甚麼？越南籍KOL Kiki Phung就為了令大家更認識越南法包，特意在與越南籍女主廚一同在灣仔藍屋開了間越南法包店，即睇Yahoo Food專訪：
「我開店嘅原因，係想大家諗起越南時，唔會再只係諗起Pho，其實越南法包都好好食。」品味Bánh Mì越南籍老闆娘Kiki Phung
越南法包（Bánh Mì）是越南國民美食之一，但在香港要找到好吃的越南法包並不容易。4個月前，在灣仔藍屋附近就開了間，由在香港長大的越南籍KOL Kiki Phung主理的越南法包店品味Bánh Mì Nem，法包由本地工廠以越式風格製成，而越南扎肉、雞肝醬等靈魂配料就由越南直送。花上滿滿的心機，全因Kiki想大家諗起越南時，不會只想起Pho，而記得越南法包都好好食。想不到開業不過僅僅4個月，餐廳竟已入選米芝蓮推介，究竟一間越南法包外賣店憑甚麼可以這樣快速入圍米芝蓮推介？即睇Yahoo Food專訪：
👉🏻全新Yahoo Food Instagram上線啦！立即Follow獲取更多飲食攻略
越南老闆娘跟女主廚拍住上 每日限量100個法包
每當有明星或KOL開餐廳，總給人只是掛名的感覺，真正落手落腳又有幾個？但如果你有機會跟品味老闆娘同為KOL的Kiki聊天的話，便會知道並非人人如此。「我未婚夫好鍾意食Bánh Mì，我哋定期都會返越南食，之後遇上Hanh，佢之前喺越南都開過餐廳，嚟到香港再喺其他餐廳做過廚，我問佢可唔可以試下整Bánh Mì ，我哋就開始諗開店。」在小店當中，二人忙出忙入，同樣來自越南的Hanh不懂廣東話，Kiki不時用越南話跟她做翻釋。
除了有4款口味的雜錦扎肉跟越南叉燒，還有綿滑肝醬，集多種口感在嘴巴當中，讓人回味無窮。
我跟Kiki說，在香港吃Bánh Mì根本是場冒險，在越南隨便一間街邊小店的越南法包都可以很好吃，更是港幣廿蚊有找，但香港的越南法包起碼$50以上，要是吃到不好吃的，銀包可是心痛得要死，特別是那法包分分鐘硬得割傷嘴巴的口感。Kiki聽畢，點頭認同道：「香港嘅Bánh Mì 多數都係用返法式法包，但Bánh Mì其實係外脆內軟，無論係水份比定整法都唔同。我同Hanh突登飛返越南學整法包，返嚟再搵本地師傅幫我哋整，最特別係加咗蛋白令包體更加鬆軟。」由於人手有限，小店暫時每日只可以供應100個Bánh Mì。
多款餡料 越南訂製扎肉及肝醬
吃過Bánh Mì都知，這款越南法包並非是三文治那麼直接，一個最基本的越南法包當中要包着起碼6、7款餡料，「扎肉同肝醬都係喺越南訂製，比起其他只有一款扎肉嘅舖頭，我哋嘅招牌品味特別用咗4款越式扎肉同越南叉燒，參考咗胡志明市名店Huynh Hoa，佢哋賣點就係好多款扎肉同份量十足，而我哋除咗肉夠多，食起嚟都會比較Balance（平均）。」Hanh在Kiki解說時，將法包塗上雞肝跟豬肝醬，放入焗爐烤脆，之後再放入自家製酸菜跟香草等，看起來繽紛又豐富。
如果愛吃腸仔的話，必點這款惹味的醃豬肉串越南法包，內藏越南直送豬肉鬆、肝醬、醃蘿蔔等。
正宗食法用生菜包 夏天飲清爽斑蘭茶
香港人愛新鮮，如果只是獨固一味只開法包店，恐怕未能滿足大家的胃口，因此店內亦有供應撈檬跟一些越南小食，「你要試下Hanh整嘅春卷，放耐咗都一樣咁脆。」Kiki推介，這款越式春卷特意用了2款春卷皮製作，入面有粉絲、蘿蔔跟香菇等，最正宗的食法是用生菜跟九層塔等包着春卷，增加清爽感。
雖然只有4條，但每條紮實，相當有滿足感。
除了越南美食以外，越南必飲的還有越南咖啡，這兒的越南咖啡混合了3款咖啡豆，再浸泡一晚，最後出品時混合煉奶，但對我這種怕甜的香港人來說，實在喝不慣，因此大家柯打時記得要有心理準備。如果你跟我一樣怕甜，冰涼清甜的茉莉花斑蘭茶就是你杯茶，Hanh更將咖啡跟茉莉花斑蘭茶一同用膠樽盛載，有柯打時才倒出來，跟足越南當地文化。
作為KOL，Kiki的社交頁面跟不少KOL一樣，生活多姿多彩，而私底下的她亦為小店每一處都花盡心機，「呢個招牌係由越南設計師用人手幫我畫，本身喺香港訂嗰個我睇極都唔滿意，所以臨時臨急訂返嚟。」Kiki笑說，更因KOL的身份獲得網友的幫助，「但個時好心急想攞返嚟，就上網問有冇朋友可以幫手，最後真係有兩個Followers咁啱喺越南，好好人咁幫我攞返嚟。」
說實在，六、七十蚊一個越南法包，價錢比起越南當然是超出不少，亦有不少人覺得昂貴，「無計，Bánh Mì喺越南係國民食物，周圍都有供應，可以好平，但嚟到香港，淨係法包成本都已經唔少。」Kiki說，不過雖然價錢不低，但勝在水準的確夠好，加上在全城「執笠氣氛」影響下，依然有小店拉起鐵閘嘗試努力生活，靠實力分享美食，因此絕對值得花上一個午餐的價錢，讓味蕾重回到胡志明市，感受一下生活的小確幸。
品味 Bánh Mì Nem
地址：灣仔皇后大道東247至249號（地圖按此）
電話：9899 1247
營業時間：11:30am-07:00pm
常見問題：
問：灣仔有甚麼餐廳推介？
答：潮州人以湯米為主打，湯底每天用大量雞殼熬製，奶白且泛著金黃雞油，甘香鮮美，特別搭配來自台灣的新竹米粉，久浸不爛，爽口帶勁，掛湯尤是出色......詳情按此
問：灣仔有西餐推介嗎？
答：灣仔船街新開一間全新意日料理餐廳「Trattoria Kagawa by Mihara」，主打意日fusion，以日本食材煮出意大利菜，極具創意。當中包括以日本雞蛋及麵粉手製意大利麵製成的「卡邦尼意大利寬條麵條配北海道海膽」.....詳情按此
全新訂座平台「Yahoo訂餐廳×Openrice」正式上線！
更多灣仔美食推介
灣仔WAKARAN｜灣仔船街驚喜全新亞洲菜餐廳 必食風乾乳鴿/一口薑汁湯丸 主廚：我要將傳統點心活化
灣仔美食｜Casa Sophia Loren 推出「蔚藍海岸周末早午餐」及「生蠔之夜」 無限量供任食法國David Hervé N3生蠔生蠔
灣仔美食︱隱秘樓上印度小店！正宗牛油雞+罕見鷹咀豆咖喱+印度煎餅
灣仔美食︱小瑪哥米線承傳30年雲南菜館 祖傳自家製酸菜米線+氣鍋雞 店二代：雲南菜好多好食材
灣仔美食︱灣仔三文治專門店日賣過百份！辣味烤芝士三文治+爆餡早餐卷
灣仔美食｜法國餐廳AUOR全新時令亞洲風味餐單 推介蝦叻沙/椰子班蘭甜點+全新週六香檳任飲
灣仔美食｜Maison ES全新Ta Pantry 15周年法式香港味道「Le Vieux Hong Kong」紀念菜單
灣仔美食｜意大利羅馬人氣長方形手切薄餅Alice Pizza進駐灣仔！即點即切 打卡必食
灣仔小瑪哥米線｜阿詩瑪結業 老牌雲南菜變身米線店 必試小鍋米線、番茄野菌、豆花炸醬
灣仔墨西哥餐廳El Taquero！超打卡Barbie粉紅小屋 墨西哥大廚主理+挑戰膽量食蚱蜢Taco
灣仔美食︱港灣壹號推雲南野生菇菌時令菜式 推介雲南野生雞㙡菌燉迷你冬瓜盅/海鹽鮮松茸煎北海道帶子
灣仔美食│灣仔午餐必食推介5間！新景園咖喱豬扒飯/米芝蓮越南牛河/川式點心放題
灣仔美食︱外賣店流髀日賣過百隻生炸雞髀！印尼香料醃雞 超抵食$36雞髀飯餐
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
