細細粒陳嘉佳公開減肥前後身體尺寸 腰圍激減50cm 避唔開上圍縮水

陳嘉佳（細細粒）近年於內地擔任「吃播主」，人氣高企及賺到豬籠入水，去年因健康響起警號而積極減肥，由最高峰286磅一度減至最新150幾磅。近日，細細粒於社交平台再次分享減肥成效，先於鏡頭前公開過往身體尺寸數字，之後再即場量度唔同身體部分，其變化結果令人驚訝。

從過往細細粒PO出嘅影片睇到佢明顯嘅減肥成效，細細粒明顯瘦面，輪廓突出；身形方面，鎖骨線條同樣明顯，雙腿纖幼。唔少網民都留言表示細細粒減肥減得好成功。日前，細細粒於社交平台公布減肥成果，以及即場量度身體尺寸最新數字。從影片所見，細細粒成功減走130磅，腰圍由135cm減至85.5cm，足足有近50cm。坊間有指減肥會減埋胸，細細粒亦唔例外，上圍由130cm減至103cm。

細細粒曾分享佢嘅减肥方法，認為減肥係透過飲食改變體重，並唔主張節食。細細粒會將減肥分成幾個階段，減肥第一個階段只要遵守三個規則，一個月瘦五磅係基本，包括飲2,000至2,500毫升嘅水、睡眠充足，以及戒精製糖。細細粒亦曾表示指，減肥頭三個月感覺好痛苦，但過咗之後就唔痛苦，仲話減肥令佢改變飲食習慣，而家都唔會飲凍嘢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！