鄧兆尊澄清劈腿6富豪意外懷孕女星唔係張慧儀 願意道歉「叫佢打畀我」

鄧兆尊早前於網上節目《娛樂好好玩》爆料，指某圈中女星另一位90年代女星同時與4至6名富商交往，後來仲發現懷孕，女星問兆尊應該點做，之後仲同各位富商男友攤牌。「六個一齊收錢，六個都唔認頭，（驗咗DNA都唔認頭？）直頭唔驗，當揞口費，一人一百萬，Bye Bye!（小朋友都唔要？）唔要，你自己養」。而有一個養子嘅張慧儀就成為嫌疑人物之一。張慧儀就喺鍾慧冰YouTube頻道最新一集節目嬲爆爆回應「我哋好想問阿鄧某某嗰個女星係邊個，佢就喺度寫張慧儀。嗰一下，我係非常之嬲﹗嚴重警告，跟住兩個紅色感嘆號。不要再製造謠言！大家有冇諗過，對嗰個小朋友係有幾大嘅影響！你好好玩咩？好好笑咩呢啲嘢？」

爆料嘅鄧兆尊尋晚現身新城電台為薛家燕嘅節目擔任嘉賓，被問到張慧儀相當不滿時，兆尊即刻澄清所指嘅劈腿女星「一定唔係張慧儀」，更公開表示「叫佢打畀我吖，我同佢道歉」，並指自己當時無提過嗰位女星係張慧儀。「啲人估佢都冇辦法，我控制唔到人諗乜。」

當日鄧兆尊爆料時就女星身份俾出多個貼士，分別係「同吳家樂鄧兆尊同期」、「90年代同吳家樂拍過戲」、「唔係港姐」、「拍古裝多」、「身材好fit」，五大姓「陳李張黃何」其中之一。有網民估係「行姐」陳彥行，鄧兆尊立即話「唔會啦！行姐咁蠢，點會做呢啲嘢？」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！