56歲翁虹與17歲女兒劉蒔相處似閨蜜 遺傳媽媽高顏值被激讚：基因強大

1989年亞姐冠軍翁虹，2005年與賭場副總裁伍偉離婚後，2007年與美籍華裔商人劉冠廷結婚，同年誕下女兒「小水晶」劉蒔（Crystal）。近年翁虹轉戰內地發展，除咗參與內地拍劇同網絡電影拍攝之外，當然唔少得玩下小紅書啦！近日佢就拍片分享同女兒處成閨蜜係咩體驗嘅影到小紅書，唔少網民大讚56歲嘅翁虹真係保養得好好，一啲都唔似年過半百，另外仲大讚「最美星二代」之一嘅小水晶生得好靚女，遺傳晒媽媽嘅優良基因。

翁虹不時喺小紅書上載影片與網民分享生活點滴，最近就上載一條以「和17歲的女兒處成閨蜜是什麼體驗」的影片，並寫上：「水晶@劉蒔Crystal 就是我最好的嫡長閨 #生女兒的快樂 #我們是這樣的母女 #是女兒也是自己 #閨蜜日常 #閨蜜拍照 #女孩的友誼萬歲」。喺影片中，二人一齊去旅行、做運動、食嘢及扮靚靚，真係似閨蜜多過兩母女。

影片出街後，唔少網民大讚翁虹保養得宜之外，亦大讚劉蒔好靚女，例如「終於有星二代繼承並且超越女明星的美貌了」、「基因強大」、「遺傳媽媽顏值的女兒，太讚了」、「哇，長這麼大了，小美女」、「真是姊妹了！太美啦」、「女兒好漂亮」、「這個女兒完全繼承了媽媽的美貌」、「她女兒真的像媽媽又像爸爸」、「女兒好漂亮，可以出道」及 「女神依舊美！沒想到女兒好美」等等，甚至有網民希望佢考慮加入娛樂圈。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！