網紅「五索」認真空出席富豪飯局：信窮人先會落地獄，我係真小人！
34歲網紅「五索」Rachel鍾睿心被周刊踢爆與大生銀行主席馬清鏗二人關係後，雖然Rachel聲稱「會暫時消失喺Social media一段時間」，但隨即接受同一周刊訪問，更任由主持人提問大膽問題，而且有問必答。當被問及介入別人婚姻當「小三」，不顧人性、道德或原配夫人，「將來唔怕落地獄？」，Rachel即堅定地表示「我相信窮人先至會落地獄，因為窮人先會做更多更加無道德嘅事」，更狂寸身邊的男主持，「我呢啲係真小人，唔係你呢啲咁嘅偽君子」。
多次表明自己愛錢的「五索」Rachel，直認會不擇手段賺錢，更大爆自己出席富豪飯局時每次「至少幾千萬啦，我講你哋又唔信」，又承認衣着大膽，不穿內衣真空上陣去吸引「馬生」，更自稱身材與樣貌都是純天然，以好身材吸引「馬生」。
Rachel與馬清鏗交往9年，更誕下4名子女，連同自己跟前夫所生的孩子，34歲的她已是5孩之母，在訪問中揚言「越生得多越多錢分吖嘛」。被問到為錢去勾引富豪，是否害怕孩子不喜歡？Rachel再爆驚人言論，指曾經就此詢問過孩子意見，「佢哋同我講，唔緊要㗎，爸爸有錢就得㗎喇，咁我放心晒咯」。
Rachel在訪問中更狂寸記者人工低，當男主持問她以肉體去換金錢，「你覺得係值得嘅？」，Rachel即反駁指「我相信記者佬先可以入地獄㗎，因為你哋咁冇人性講埋啲咁嘅嘢，你哋嘅嘴巴仲陰毒過好多人心裡便諗嘅嘢」。
Rachel因出位言論被網民封「最強小三」，大量留言批評她歪理連編，不認同其價值觀，但Rachel反稱自己夠紅，又指每天出街就算戴了口罩和帽子都被認出，而且全香港師奶、萬眾師奶都稱喜歡看她的影片，並霸氣揚言「我係紅過TVB好多嘅女主角」，至於會否擔心經歷此事後不再紅，她氣定神閒地稱，「唔驚，因為我係咪都住喺山頂，呢行好多競爭，唔係話你想做就做㗎」。
