萬千星輝頒獎典禮2024 ｜《反黑英雄》奪4獎成大贏家 張振朗淚奔拎視帝 龔嘉欣擊敗大熱楊茜堯林夏薇首封視后

「最佳劇集」由《反黑英雄》奪得，包攬「最佳男主角」、「最佳男配角」、「最佳女主角」成今屆大贏家。

龔嘉欣憑《企業強人》奪得「最佳女主角」，擊敗大熱《黑色月光》楊茜堯林夏薇首封視后。

成功完成演藝大滿貫的龔嘉欣，「多謝公司16年嚟嘅栽培！我覺得自己同方芳呢個角色好似，19歲開始入TVB，一路上遇到好多機會，亦有好多好好嘅人幫助過我。多謝畀個機會我嘅人！」

她有感而發，多謝陳凱琳、譚凱琪等演藝圈好友：「我冇屋企人喺身邊，好多謝呢行遇到真心且唔會當你係競爭對手嘅朋友。好多謝珍姐，我真係好鍾意你鬧我，如果你唔鬧我，我會覺得自己唔重要。唔止事業上，人生路上都畀咗好多意見我，成日提我要儲錢。邊有上司會煮飯畀人食㗎？以後我會煮飯畀你食。經過咗16年，我覺得我比以前更有自信，我會用行動證明畀大家睇我係幾咁熱愛演藝工作。」

張振朗繼「馬來西亞最喜愛TVB男主角」後再下一城憑《反黑英雄》奪「最佳男主角」，成今屆雙料視帝。
張振朗：「我都曾經諗過有幾耐時間留喺個圈，冇人會知，我只可以Enjoy每一個演戲時刻。今日呢個獎好重份量，好多謝兩位視帝頒畀我。演戲係我生命，多謝！」

曾志偉擔任頒獎嘉賓，揭曉及頒發「萬千星輝演藝大獎」。
入行35年「萬能鍾」鍾志光奪「萬千星輝演藝大獎」。
鍾志光笑言：「呢個獎唔係一個神枱獎嘛？」他直言：「真係一啲風聲都冇，至於公餘讀書嗰啲，係睇吓啲時間點用。因為我一坐埋去主持枱，我係代表TVB去工作，係唔可以有任何時刻疏懶、唔專注。」

睇埋《Yahoo娛樂圈 專訪》：https://bit.ly/40CSNeF

陳貝兒第三度奪得「最佳女主持」，感謝團隊及觀眾支持：「我一個人嘅力量太少太少。令我繼續落去係觀眾嘅支持同肯定。」

「最佳男主持」由區永權奪得。區永權於台上多謝家人：「多謝老婆，I Love You！多謝阿媽，我得咗！」

「最佳女新人」由今晚司儀陳懿德奪得：我會努力做一個更好嘅陳懿德。
甫一開場時，德德跟羅子溢開玩笑時，起初站在羅天宇旁並笑指不是這位羅生。
德德獲得「最佳女新人」時，多謝高層、家人等，其中多謝「好朋友」時，鏡頭影着羅天宇。

「Hey Brother」黃智賢、李思捷、麥長青、曹永廉及唐文龍一同擔任頒獎嘉賓，揭曉及頒發「最佳男、女新人」、「最佳男主持」、「最佳女主持」。

「最佳男新人」由張馳豪奪得。
張馳豪領獎後說：「首先想借用大家嘅掌聲畀其他有份提名嘅新人。做呢行一定要努力，喺背後嘅努力未必人人都睇到，不過都仍然需要努力。」他續說：「今日我唔會話我得咗，因為我知道我條路好長，我之後嘅薪金都會畀你哋。」

韓毓霞、林嘉華一同擔任頒獎嘉賓，揭曉及頒發「專業精神獎」。
「專業精神獎」由TVB體育組奪得。

「最佳資訊及專題節目」由《東張西望》奪得。

「最佳綜藝節目」由《中年好聲音2》奪得。

「馬來西亞最喜愛TVB女主角」由張曦雯憑《企業強人》奪得。
張曦雯：「簡單嘅Hello畀我遇上演出嘅緣份，每次都可以拍到《強人》。」「多謝爹D媽咪教我要做一個有禮貌嘅人，令我Say咗呢個Hello。」

「馬來西亞最喜愛TVB男主角」由張振朗憑《反黑英雄》奪得。
張振朗先以馬來西亞語感謝當地觀眾，「以前影月曆時企尾三嗰排望住最前一排諗我有冇機會企最前一排。我發現係有希望、有未來，只要你想就得。我係演員張振朗。」」

「馬來西亞最喜愛TVB劇集」由《企業強人》奪得。

「馬來西亞最喜愛TVB綜藝及資訊節目」由《獎門人感謝祭》奪得。

《無頭東宮》的「大妹」向海嵐和「細妹」陳妙瑛一同擔任頒獎嘉賓，揭曉及頒發「馬來西亞最喜愛TVB綜藝及資訊節目」、「馬來西亞最喜愛TVB劇集」、「馬來西亞最喜愛TVB男主角」、「馬來西亞最喜愛TVB女主角」。

「最佳電視歌曲」由《愛．回家之開心速遞》主題曲《這個家》奪得，歌曲由姚焯菲演唱，「第一個萬千星輝嘅獎。」她表示很意外，並多謝多位高層以及台前幕後工作人員。

「最佳男配角」由林景程憑《反黑英雄》奪得。林景程非常緊張：「多謝媽咪！」他不斷多謝高層後表現激動，「好亂啊。」之後亦感激媽媽：「多謝天上嘅媽咪。佢好驚我學壞，我想話我今日拎到呢個獎，同埋我都冇壞到。」

溫兆倫、邵美琪一同擔任頒獎嘉賓，揭曉及頒發「最佳女配角」。
「最佳女配角」由傅嘉莉憑《反黑英雄》奪得。入行17年以來實現零的突破，首奪電視獎項的「四葉女」傅嘉莉想用行動證明自己，「我真係好鍾意做戲，我要好努力好努力去做去對得住呢個獎。」

「最佳衣著男藝人」由陳豪奪得。
「最佳衣著女藝人」由王敏奕奪得。
已換上另一套晚獎的王敏奕爆笑與曾志偉分享得獎：「我攞獎啊！老爺！𠵱家唔係Live㗎嘛？多謝！」