雅虎香港新聞 《魔法壞女巫》狂收1.6億 導演朱浩偉幾時拍《我的超豪男友》續集？︳電影LOL
新片《魔法壞女巫》(Wicked)上周開畫，首周末全球狂收1億6420萬美元，外媒Deadline形容《魔》破盡音樂劇電影嘅票房紀錄，以今年唔算太強勁嘅市道而言都真係難能可貴。
《魔法壞女巫》收得，導演朱浩偉（Jon Chu)相信升呢成功，應該有唔少大片等住佢。而令朱導為人認識嘅《我的超豪男友》（Crazy Rich Asian)，唔少影迷都敲碗想知會唔會有續集，畢竟由Kevin Kwan寫嘅原著小說都有2本續集China Rich Girlfriend 同 Rich People Problems喎。
根據資料，前年5月已經傳出《我的超豪男友》續集開始緊前期工作，故事會以China Rich Girlfriend 改編，首集男主角Nick嘅堂妹Astrid(Gemma Chan陳靜飾）同前度Charlie Wu(Harry Shum Jr飾)係續集嘅主線，故事以《我的超豪男友》中拉埋天窗嘅主角Rachel帶埋老公Nick去上海搵生父而展開。但到底係咪會拍呢？朱浩偉回應時話「如果唔係值得的話，我唔會拉晒全世界落水」喎，因為佢想好似《我的超豪男友》咁成功，但係個劇本唔易處理，朱浩偉同編劇試過唔同方式都未有眉目。不過朱浩偉亦都表明，唔係要吊大家癮，時機到就會有。
《我的超豪男友》為唔少亞裔電影人打出空間，票房全球收2億4千萬美元，片中飾演闊太嘅楊紫瓊片約不斷，仲成為首位華人金像影后；同片嘅Awkwafina、Constance Wu、Harry Golding、Gemma Chan、Ronny Chieng、Jimmy O’Yang都打出名堂，咁難怪Jon Chu想保住個金漆招牌，當然亦可能大家升晒格，片酬條數唔易計啦……
更多電影文章
魔法壞女巫／寄了一整個春天／飛黃騰達／台北追緝令／戀愛大都會／你好,愛,再次︳電影LOL 今期睇咩戲
《星球大戰》新片讓路 《冰河世紀6》2026年聖誕檔上映︳電影LOL
《權力遊戲》珊莎Sophie Turner 盛傳係下一位真人版盜墓者羅拉︳電影LOL
加密幣富豪「薯條哥」極速起落事蹟 Apple 投資開拍成電影︳電影LOL
《魔法壞女巫》玩具包裝印錯AV網站網址 Mattel致歉︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
