鍾晴超市做一字馬展現柔軟筋骨 身穿啡色瑜伽褲震驚網民？

鍾晴（Karlie）外貌甜美，出道時被指長相似薛凱琪及吳千語；加入TVB多年間，鍾晴被安排主持《Think Big天地》、《3日2夜》等節目，又出演《愛．回家之開心速遞》、《美麗戰場》、《新聞女王》等多套劇集。其中，飾演《愛．回家之開心速遞》「Cammy」一角為人熟悉，2022年於《下流上車族》亦將拜金港女「Jessica」一角其心機個性詮釋得入型入格，惹起關注。除咗演藝工作，鍾晴已練瑜伽10年，更於2021年考獲瑜伽教練資格。日前。鍾晴於社交平台分享於超市擺出普拉提動作嘅影片，其淺色瑜伽褲令網民驚呼好似無著褲。

鍾晴於帖文寫道：「Pilates even，shopping!!」，從影片中看到，鍾晴推住購物車邊行邊走，並以普拉提伸展動作拿取貨架上嘅貨品，展現柔軟筋骨。唔少網民都留言大讚鍾晴可以隨時隨地瑜珈好勁：「妳很厲害喔」、「好身手」、「瑜伽融入生活中」、「妳好叻」、「請問練了瑜珈多久？」、「太勁啦，怎樣做得到？」等等。不過，都有唔少網民錯重點，將焦點放於鍾晴下半身；事關佢著咗一條與膚色相近嘅瑜伽褲，令網民誤以為佢無著褲：「你做乜野唔着褲。天冷喇」、「我第一眼以為你無著褲」、「我都以為冇着」、「仲以為婀娜多姿兼且超級玲瓏浮凸嘅索爆KARLIE你赤裸下半身去超市買嘢咁性感誘人添，原來係著咗件淺啡色貼身褲，嚇得我吖」等等，連朱智賢都忍唔住留言：「喂呀，好似無著褲！」，鍾晴回應指：「喂呀，條褲真係好長呀！」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！