葉蒨文曬台慶造型靚相 Deep V剪裁視覺效果勁震撼 被封「TVB最索女藝人」

葉蒨文（Sophie）2016年參選《香港小姐競選》入行，憑甜美長相及及弗爆葫蘆身形惹關注，又於處境劇《愛·回家之開心速遞》飾演「Candy」一角成功入屋。日前，葉蒨文以藍色閃石吊帶高衩長裙亮相《萬千星輝賀台慶2024》，Deep V剪裁帶來勁震撼嘅視覺效果，加上露出白滑美腿極為養眼，被網民封「TVB最索女藝人」。

葉蒨文於社交平台分享多張當晚出席台慶嘅造型照，除咗喺紅地毯上留影，更坐喺化妝枱上擺出多個甫士影相，唔少網民留言大讚葉蒨文靚爆鏡：「閃爆全場，最優質，好鬼優雅，好性感，靚到冇得輸」、「女神太正了」、「Sophie好美，好性感，索到呢」、「最索嘅女演員」、「鼻血直流」、「好華麗。迷人優雅，非常性感，身材fit爆，好索」等等。另外，葉蒨文又PO出與《愛•回家之開心速遞》飾演「 Mike」嘅曾展望合照，葉蒨文更細心到為對方整蝴蝶結，被指襯到絕：「幾襯呀，女配型男，sweet sweet」、「又真係幾襯嘅」、「好鍾意你地」、「好襯，甜到漏呀」等等，又有網民表示好羨慕曾展望。

對於維持好身材，葉蒨文曾透露指除咗常做運動keep住最強Body，更加想多謝媽咪，表示自己小學時係田徑隊，中學係中國舞校隊，可能因為由細到大有唔同嘅訓練而為身體打好咗個根基；又指，認為要行好每一步路，如果用啱力行每一步路個臀部會挺身啲；因為骨盆前傾會令到有肚腩仔及臀部下塌。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！