李佳芯親證已離巢舊東家未派記者採訪 Ali感激TVB拒望咪牌：有啲嘢唔好睇得咁清楚

李佳芯（Ali）今天（16日）出席活動時親認已離開TVB，回復自由身後，其IG亦已由跟經理人聯絡更改為「DM for work 💕」。Ali成為多間傳媒的採訪焦點，不過舊東家TVB則未有派人前來採訪。

活動中，Ali透露有接觸唔同公司：「唔同階段嘅狀態，或者追求嘅嘢唔同，呢個都係其中嘅一小部份啦。我覺得就算出到去都要捱更抵夜嘅，做每份工都會，特別係做演員。（想拍電影？）希望有機會啦。」

至於被問及舊東家TVB並冇派人採訪今日活動，Ali就搞笑回應：「有啲嘢唔好睇得咁清楚」

李佳芯（Ali）今天（16日）出席活動時親認已離開TVB，回復自由身後，其IG亦已由跟經理人聯絡更改為「DM for work 💕」。Ali成為多間傳媒的採訪焦點，不過舊東家TVB則未有派人前來採訪。

Ali於活動上表示對舊公司心存感動和感激，在TVB工作了12年的她有感而發：「每個地方都係，12年喇，甜酸苦辣咩都有㗎喇，唔同嘅感受都有出現過，所以到𠵱家對我嚟講，起碼我諗返轉頭呢12年都係冇白費過。我有努力過，頭先所講大家認識我，反而個感覺係有啲感動同感激。（甜酸苦辣係啲咩？）全部都有。」

現場有傳媒向Ali指TVB今天未有派記者採訪她，她說：「唔係啊，我見到有好多熟悉嘅臉孔。（你望一望有咩咪牌）我唔望喇，有啲嘢唔好睇得咁清楚。（有冇請人食散水餅？）唉啊！其實我想派利是啊，我希望會再見到大家。」

2005年開始投身影藝圈，先後當過模特兒及接拍不同品牌的廣告。她於2008年加入有線電視，當時仍然使用其本名李嘉馨。2012年，Ali過檔TVB並改名為李佳芯，同時兼顧做主持及拍劇。直到2018年，Ali憑《BB來了》的唐恬兒奪得《萬千星輝頒獎典禮2018》的「最佳女主角」，登上視后寶座。後來，不時傳出Ali被TVB打壓及雪藏的消息，甚至於內地播放的《萬千星輝賀台慶》中，更將Ali打格仔，失去出鏡機會。今天，Ali親證已離開TVB，結束約12年的主僕關係。

Ali早前於IG指2025年會以新身份期待下一個作品，暗示自己已離巢，全文如下：

「2024 大部份時間變回一個學生

很享受學生身份

學一直想學的東西 去從未到過的地方

認識了新的朋友 做以前從未想像的事情

當腳步邁出後 真的就不再害怕了

2025 繼續接受新挑戰

以新的身份 期待下一個作品💪🏻

#goodbye2024

#ALife」

李佳芯Ali離巢認有接觸其他公司傾合作 有留意MIRROR等小鮮肉揚言可演姊弟戀：好驚被人笠麻包袋