雅虎香港新聞 芒果│水果批發商教5招揀靚芒果！台灣愛文芒/日本宮崎芒/柬埔寨芒 邊款最甜最抵？
芒果夏天當造，天氣一熱就知道要食芒果。但芒果有多個產地：泰國、菲律賓、台灣、日本、印度、印尼、巴基斯坦、墨西哥、海地、剛果、中國大陸都有出產，各有個性，款款不同。出名芒果如台灣愛文芒、日本宮崎芒，老饕一定識食最近有一隻，來自柬埔寨，果香撲鼻，齒頰留香，糖度竟然達22，高過港人熟悉的日本、泰國、台灣、菲律賓芒，難怪有「東盟首席芒果」美譽。甜霸襲港，今個夏天一定要留意。
👉🏻全新Yahoo Food Instagram上線啦！立即Follow獲取更多飲食攻略
熱帶水果之王
說芒果是熱帶水果之王，真不是隨口說了算的。芒果原產自北印度和馬來半島，又熱又潮濕的天氣就最適合，芒果性喜高溫，最適合在攝氏24－30℃的溫度下生長，氣溫降到攝氏18℃以下，生長就會變得緩慢，攝氏10℃以下，更加停止生長，是只能熱不能凍的水果。
芒果也有人叫作檬果、杧果、檨；都係叫番芒果易記點。只要水土氣溫對勁，芒果生長速度超高，產量也極大。芒果原生印度及馬來半島，但經過多年引種改良，產地已遍及多個地方，其中世界上十大芒果生產地區，以產量排名如下：印度、墨西哥、巴基斯坦、泰國、中國大陸、印尼、菲律賓、海地、剛果、台灣。只是，十大生產地區以外，仍然有滄海遺珠。位於東南亞中南半島的柬埔寨，正是被人遺忘了的芒果產地，原來柬埔寨產的芒果，數量少而質素高，過往只在國內供應，甚少出口。
柬埔寨芒 糖度高達22度
「舊年引入過香港啦！冇乜宣傳，純粹試水溫，冇乜人知道，但食過嘅人都大讚。所以今年再接再勵，入十噸，希望大家認識柬埔寨芒果。」西區副食品批發市場水果批發商Edward說。
他主理的水果批發欄，創辦於1975年，至今已有四十多年歷史，由上一代開山劈石，到新一代接手改革，經歷了翻天覆地。由蘋果香橙雪梨提子，到今天新品種層出不窮。甚麼日本福岡甜皇士多啤梨、正宗夏威夷樹上熟木瓜、哥倫比亞麒麟果……最新一員，輪到芒果。
「我哋賣好多產地嘅芒果，好似日本宮崎太陽之子、台灣愛文芒、泰國金水仙到菲律賓呂宋芒都有，不過全部都唔夠呢隻柬埔寨白花芒甜。」Edward說完，切了一個給我試，一吃，不得了，那甜直撲喉頭，濃郁的芒果香縈迴在口腔與舌尖，久久不散。「你睇下！糖度達到22咁高架！」他把一小片芒果肉放在糖度錶中遞給我看。
得天獨厚盆地產
他說，不同產地的芒果，都有不同糖度的指標。像泰國水仙芒糖度平均是15，台灣愛文芒則是16。日本宮崎太陽之子可達17-18。這柬埔寨白花芒，標準糖度是16，剛吃那隻還超了標。糖度這麼高，和柬埔寨地理有關。芒果多是島國產，潮濕海風多，早晚溫差不大，芒果結糖量始終有限。
柬埔寨是內陸盆地，日間陽光充足，夜間散熱較快，日夜溫差較大，芒果結糖量特高，連柬埔寨王室也吃，晉身為該國貢品級芒果。只是過去生產不多，只留在國內銷售，約五年前，有香港人看準商機，在柬國開設果園種白花芒，天然有機，不加任何催生藥或農藥成份，芒果種足45天，充份吸收陽光才摘，難怪肉香汁甜，帶有清新花香。
5大要訣揀靚芒果
「揀芒果記得一外形要圓潤飽滿，二拎上手要夠墜手，三冇花皮，四冇斑點，五聞椗要有香味，咁就係靚芒果。」Edward說。最後一提，柬埔寨每年11月至5月當造，一年只得一造，錯過了就要等到明年了。
1) 柬埔寨芒$100/3個（批發商價）
11月-5月當造，圓潤飽滿，有少少似木瓜。肉厚核薄，帶花香。由於皮薄，柬埔寨人刨皮食。宜揀飽滿重墜，皮滑無花為佳。
2) 台灣愛文芒$90/2個（批發商價）
5-7月當造，緊接柬埔寨芒造期。原種美國引入，枋山出產最靚，甜潤中帶蘋果香氣。一定要雪，入雪櫃可以保存一星期左右。宜揀圓形，墜手，滑溜，方為靚貨。
3) 菲律賓呂芒$20/個（批發商價）
供應穩定，全年皆有，上半年北部、下午年南部，北部較甜，較耐放。宜選飽滿有尖，滑溜墜手，皮冇花者為佳。
4) 日本宮崎芒$300/2個（批發商價）
4月中-5月中當造，正名太陽之子，和台灣愛文屬同種，一年有150日以上日照，糖度最少達15，帶蘋果及椰子香。拍賣價可以到$30,000/2個。挑選愈紅愈艷者愈靚。
5) 泰國金水仙$100/3個（批發商價）
四季皆有，街市常見，最普遍。形狀長瘦，皮薄肉厚汁多，甜度中等，核較大，除淨食也常入饌。宜挑黃皮透少少粉紅，聞落帶清香花香者。
全新訂座平台「Yahoo訂餐廳×Openrice」正式上線！
更多其他揀水果貼士
【清洗水果】袁國勇教授：水果皮含抗藥性細菌！梘液+熱水洗生果最安全
塔斯曼尼亞車厘子2021│入手攻略！新年果欄格價+品種推介+防偽新招
日本士多啤梨農藥及重金屬鎘超標！不可浸洗 原來咁先洗得最乾淨
Top 10 港人最愛中秋水果！一文教齊點揀香印提子/日本桃/蜜瓜
日本水蜜桃當造季節/品種/價錢一覽！果欄揀桃達人：日本桃要多毛墜手
日本香印提子3大選購貼士！一文睇清岡山晴王、長野、山梨價錢/甜度分別
【麻豆文旦】文旦、柚子有乜分別？教你3招揀到冇核甜美多汁靚文旦
【致肥水果】水果果汁糖份高唔健康？營養師教你避開水果減肥陷阱
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
