雅虎香港新聞 荃灣美食︱熟食中心米線店 最平$50食到鮮魚雞湯米線！街坊最愛$38皮蛋芫茜湯底
荃灣香車街街市這間米線小店，店主家族本身經營魚類生意，因此熬制湯底時加了足料海鮮，令湯頭更清甜，另有一款只賣38蚊的皮蛋芫茜湯底米線，同樣深受街坊支持！即睇Yahoo Food專訪：
荃灣是口碑米線集中地就人人都知，但非正式統計，都以麻辣或酸辣的重口味湯底為主。如果想食得清淡啲，不想吃到嘴巴舌頭發燙？原來香車街街市除了三樓的人氣米線店「老闆娘雲南米線」外，一樓另有間開業已三年的米線舖，主打一款濃雞湯及一款魚湯，頗受街坊歡迎，經常在每日下午五點收舖前就沽清。
👉🏻全新Yahoo Food Instagram上線啦！立即Follow獲取更多飲食攻略
設雞湯及魚湯兩款湯底 加螺片及魚翅骨
小店是家庭式經營，店主劉小姐家族經營魚類買賣生意，對海鮮特別在行。因此米線店的湯底，無論是雞湯還是魚湯，都會另加海鮮調味。像濃雞湯底，指定用冰鮮雞，不用急凍雞，另加響螺片及魚翅骨，甚至會加少量魚翅熬最少六七小時，不加味精，出來的湯底金金黃黃富膠質；而魚湯底，最少煲四至五小時，用約五種魚，以大魚配其他時令魚種，「魚會先煎香，再落湯，我哋唔會用湯袋，因為用咗湯袋會無咁鮮甜。」劉小姐說每朝七點幾就會回店熬湯，煲好兩款湯膽，魚湯及雞湯後，就可滾成不同湯底，像皮蛋芫茜湯、蟲草花鮮雞濃湯、黃酒蟲草花雞湯等。特別一題是以魚湯為湯底的「皮蛋芫茜湯」，$38一碗配米線，只有湯料，無餸，簡簡單單，卻是不少街坊最愛，就當是家常湯水一樣飲，清甜不濁。
實而不華，即煎的雞皮帶油香而脆口，肉餡入味。
零味精雞湯厚身，金黃色，微微黏口，為了令雞湯更鮮甜，會把雞髀放到雞湯中一同熬煮。
指定食法 加$12轉雞髀
要數街坊no.1喜歡的，一定是「蟲草花鮮雞濃湯米線」， 指定食法是加12蚊加原隻雞髀，「雞髀會放在雞湯中同煮大概十五分鐘，雞髀吸收了雞湯，肉更甜，雞髀油也會留進雞湯中，兩者都更好吃。」劉小姐說當初想出以雞髀配米線是因為自己家人都很喜歡吃，無考慮太多，怎想到現時成為店招牌菜。至於小食，這裡有四大必叫：釀了蝦膠的油炸鬼、雞皮餃子、蝦膠豆腐卜及響鈴，賣點是全部即叫即炸，特別推介油炸鬼，蝦膠大大舊，油炸鬼微微脆口，做成一口大小，香口不膩。美中不足是餐廳始終位於破舊的熟食街市，堂食環境有欠理想，暫時都以外賣為主，等天氣涼一點就比較適合堂食了。
賣點是即炸，入口脆如薯片，乾身脆口。
雖說是廚師發辦，但不代表胡亂配搭食物，每碗指定有三款炸物，另有豬軟骨、芝士獅子狗、豬大腸、豬潤等。
如果不加餸，只叫米線就$38／碗非常抵食，以魚湯為膽，不少街坊都叫來當湯水飲，清甜帶魚湯鮮味。
米線撚
地址：荃灣曹公街8號香車街街市熟食中心1樓CF8號舖 （地圖按此）
電話：96694067
全新訂座平台「Yahoo訂餐廳×Openrice」正式上線！
更多荃灣美食推介
荃灣美食｜泰國水上市場主題餐廳「More Than Thai Cafe」冬陰功湯配虹吸壺/ A4宮崎和牛船麵 消暑必飲全芒果沙冰
荃灣美食｜人氣鐵板居酒屋Hungry Monkey新店殺到！親民價食創意御好燒+即叫即製鐵板美食+限定鬼馬雞尾酒
荃灣美食｜罕見新派港式車仔麵！必試40年老店秘製牛肋腩、招牌豬手
荃灣美食｜疫境創業Second Impression堅持點起虹吸燈 「要堅持開門當大家的加油站」
荃灣美食｜老闆娘雲南米線 三個月裝修重開！即煮麻辣米線＋酥炸雞球＋蝦膠豆卜重現江湖
【荃灣美食】荃灣佛系海濱美食蛋撻 神秘隱世！網民排隊捕捉大讚高質
【荃灣美食】意大利百年老牌蛋糕店攻港 全球最佳甜點師/流心酥皮吉士卷
【荃灣美食】家庭式蚊型微舖小食店 媽媽廚神賣濃湯銀針粉/藥膳燒賣/沙嗲牛麵
【荃灣美食】台灣段純貞牛肉麵香港店開業！自家製手工麵/23種中藥材熬製牛骨湯
【荃灣美食】吉列牛餐廳改餐牌自救 平價賣四式刺身丼/海皇蟹刺身丼
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
