鍾麗淇大女患罕有基因病 14歲生日前剛接受手術

現年48歲嘅前TVB藝人鍾麗淇（Margaret）04年淡出娛樂圈後，專心發展瑜伽事業，2010年下嫁中意混血男友Nardone Ruggero，婚後育有兩女。大女Isabella喺六個月大時不幸被確診患有罕有基因病「四號染色體缺損綜合症」，患病機會係五萬分之一。但係Margaret冇放棄，一直悉心照顧愛女，兩夫婦互相扶持，喺15年更誕下細女Michela，一家四口溫馨融合。

喺前日（10日），鍾麗淇喺社交網站上載Isabella 14歲喺屋企慶生嘅照片，並驚爆女兒早前曾接受手術：「Only a girl like you could ✨shine ✨so darn bright like this after a hard month and a half. She went through surgery end of Oct, then being casted, experiencing three painful 😓pressure sores, to then getting a viral infection🥴! Then birthday month comes and she’s bounced back to her 110%!! 🤩💪🏼💪🏼💪🏼💪🏼💪🏼You never cease to amaze me by your strength and determination. Mama has a lot to learn from you Isabella, we love you so so soooo much.…Happy Happy Beautiful Birthday my love….♥️.」（只有好似你咁樣嘅女仔，經歷一個半月嘅辛苦後能閃耀。佢喺10月尾接受手術，然後打石膏及經歷三個痛苦嘅壓瘡，然後再感染病毒！到咗佢嘅生日月就恢復到 110%！妳嘅力量同決心總會令我驚訝。媽媽有很多嘢要向Isabella學習，我哋非常非常非常愛妳.…祝妳生日快樂，我的最愛。）呢個PO一出，唔少網民都紛紛留言送上生日祝福。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！