馬國明湯洛雯慶祝結婚1年放閃網民勁送祝福：謝謝你讓「幸福」變得這麼具體

馬國明與湯洛雯（靚湯）甜蜜拍拖三年，去年12月於泰國蘇梅島幸福完婚並今年年初喺香港補擺喜酒，獲得全城祝福。二人婚後不時高調放閃晒幸福，羨煞旁人，今日（13日）就係佢哋結婚一周年，馬國明及湯洛雯分別喺IG上載幸福合照及婚禮短片，令到一眾網民都感受到佢哋嘅甜蜜。

馬國明喺IG上載合照，寫道：「工作中渡過 結婚1周年……謝謝老婆陪伴……🐴❤️🦄」；而湯洛雯則上載二人上年蘇梅島嘅婚禮短片，寫道：「一年前的今天，我們成為了家人👰🏻‍♀️🤵🏻謝謝你讓「幸福」變得這麼具體，一周年快樂❤️」。

佢哋嘅PO一出，隨即引嚟藝人朋友及網民留言祝福，例如黃翠如「Happy anniversary 」、蔣家旻「❤️❤️❤️😍😍😍stay sweet!!! Happy anniversary」、高海寧「『幸福』直程隨處可見，隨耳可聽呀～ 閃死人啦～ 🥰🥰🥰」、胡鴻鈞「so sweet !!!」、岑杏賢「Gorgeousness and sweetness overload!! Happy Anniversary 🥰🥰❤️」及朱千雪「happy anniversary!」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！