EMPIRE MUSIC下月來港開show傳搵韓團天王天后演出 Jisoo發文否認 主辦單位被鬧爆

國際知名音樂廠牌EMPIRE MUSIC將於1月5日及6日喺亞洲博覽館AsiaWorld-Arena舉行《Empire Music Fest 2025》。日前有消息指，為配合KING & QUEEN主題，主辦單位嘅演出名單，包括一代K POP天團Big Bang嘅成員G-Dragon，甚至女團BLACKPINK嘅成員Jisoo都有份演出，陣容相當強勁。

不過距離開show得半個月，大會官網其實未有任何演出名單嘅正式公布，但有網媒就拎住消息整圖發文，有網民質疑消息可信性，網媒就話「已證實」、叫買到飛嘅觀眾「之後再黎多謝返我地」。

消息傳到韓國，牽涉在內嘅Jisoo都喺個人社交平台發文，澄清唔會參與該演出。發放消息嘅網媒被網民鬧爆之外，亦有人話主辦單位遲遲未公開陣容係咩玩法。而有關G-Dragon來港傳言，多少係因為EMPIRE MUSIC簽咗GD為旗下藝人。而該音樂節早前公布嘅票價，最貴嘅VVIP門票價錢高達$3899。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！