俄羅斯模特兒移居香港年半曾多番激讚香港 細數三大原因決定提早離開：香港人非常封閉

知名俄羅斯模特兒Eva Bogut由2023年移居香港，期間曾多次於社交平台激讚香港，並表示自己已全心愛上香港呢個城市，但日前佢就宜布決定提前結束工作合約，返回莫斯科居住。

Eva Bogut於TG channel解釋自己離開香港原因，首先表示香港無Work-life balance嘅概念，除咗一年僅14日假期，一星期標準工作時間長達50至60小時，有時更被要求一星期上班六日，又指即使人工高，但無時間做其他嘢。第二，Eva Bogut指醫療開支及其他物價昂貴，自行求醫嗰陣醫生只會見你三分鐘，通常只會開抗生素；其他嘢除咗淘寶等平價來源，都貴得離譜。第三，Eva Bogut認為無法與當地人做朋友，表示香港人非常封閉，每個人都掛住玩電話，感覺自己生活喺殭屍世界裡。最後，Eva Bogut表示香港有好多暖心嘅回憶，會好好記住呢個地方。

網民對於Eva Bogut提早回流莫斯科持不同意見，部分網民覺得Eva Bogut講得幾啱：「佢都睇得幾透」、「講得好中肯，有啲人一個星期70個鐘都有。返工瞓覺。睇醫生，唔大病都唔好諗住睇」、「半年就有咁深嘅體會，講中晒，但佢應該有啲錢，如果佢無錢會有更深體會」、「大部份佢都講中事實」等等；部分網民就覺得似係Eva Bogut搵夠錢所以提早返莫斯科：「佢都係嚟搵$姐，搵完咪走」、「香港冇哂大客」、「都不用感慨，一樣外籍員工一樣，如果自己國家好搵，就不好來香港」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！