MC張天賦擔任婚宴嘉賓傳收七位數 新娘超強背景曝光 去年底全家睇演唱會
過往不時有唔同公司機構邀請歌星到周年晚宴表演，不過近日竟然有婚禮都邀請到MC張天賦現身獻唱，惹來網民熱議，直言：「洗唔洗100萬？」除咗MC嘅報酬，更多人討論新人嘅背景。
日前，社交平台Threads上瘋傳一段MC張天賦於婚宴獻唱嘅短片，共唱咗《老派約會之必要》、《反對無效》及《世一》3首歌曲，新娘聽到全程甜笑，現場賓客反應同樣熱烈。由於婚宴場地為瑰麗酒店，加上有網民留言表示連公司上星期都請唔到MC，又有網民指MC上年唱3首歌都70萬起跳 ，今年唔知100萬得唔得，令人對新人背景感好奇。
有網民爆料指該新娘就係謝瑞麟珠寶創辦人謝瑞麟兒子謝達峰和太太謝邱安儀嘅女兒Atalie，與新郎拍拖9年結婚，今次係由新娘嘅媽媽安排MC喺婚宴上表演，謝邱安儀現時為謝瑞麟珠寶主席、行政總裁、執行委員會主席、薪酬委員會及提名委員會成員。去年底，謝邱安儀曾分享與家人睇MC演唱會嘅照片，寫道：「今晚第一次聽MC 演唱會，真的唱得不錯，Enjoyed MC in concert tonight with his super fans!」未知謝邱安儀所指嘅super fans係咪指女兒。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
