低碳飲食｜港爸 all in 押樓創植物奶品牌 研發虎堅果奶：想下一代吃得更環保

植物奶在外國盛行，製作過程的碳排放遠於牛奶。身為人父的 Edmund 不惜抵押物業孤注一擲，創立香港植物奶及植物肉公司。新產品包括虎堅果造的植物奶及植物雪糕，利用食物科技令產品不加糖而帶甜味，同時標榜無豆腥味。Edmund接受《Yahoo新聞》訪問時表示，產品對象不限於素食者，而是所有注重健康飲食的人，希望鼓勵大人小孩建立更環保的飲食習慣，「每個人可以食得更加sustainable（可持續發展）」。

記者 Carmen C.

攝影記者 Davies

Edmund（陳家銘）與拍檔在2020年9月底創立食物科技公司 Meat the Next，「我們每個人都有自己嘅小朋友，想下一代吃得更加好、更加環保」。Edmund未有透露實際投資金額，笑言「all in」，「按晒自己層樓、積蓄放晒落去」。他的太太也表態支持，「做生意就係要有決心先得，我哋做呢樣嘢嘅決心係好大」。

Edmund 本身從事食品業界 15 年，曾在大型連鎖咖啡店工作，「當時要做一個 sustainable 嘅 food solution（食物解決方案）」，深入研究時了解到植物奶及植物肉的相關食物科技，「一件事加上 tech（科技），可以係未來好重要嘅發展方向」。他遂萌生自設食物科技公司的念頭，更拜訪科大、中大等學府，向相關領域逾 20 名教授求教，當中部份學者後來成為其公司的顧問，協助食物科技工作。

「Fight climate change with diet change」

Edmund 續指，畜牧業佔了全球碳排放三分之一，改變飲食習慣則有望抵銷氣候變化，「Fight climate change with diet change」。他稱一支牛奶的碳排放是 3.2 公斤，但其出品的虎堅果奶每支碳排放僅低於 0.87 公斤，以平均每人一年飲 30 公升牛奶計算，「假設香港 800 萬人口，（不喝牛奶）一年已經慳咗 2000 萬公斤嘅碳排放，係 166 萬棵樹一年嘅吸碳量」。

公司開業首年主力鑽研技術研發，「我哋全年用嚟種豆」。Edmund 研發的植物奶並非單純豆奶，而是以虎堅果、大豆和燕麥製成。虎堅果近年被稱為「超級食物」（Super food），於內蒙古沙漠邊緣種植防止荒漠化。公司利用多重酶解的專利技術，令產品有牛奶般順滑的口感，酶解技術亦可在無添加糖的情況下，分解出原材料中的甜味，令植物奶「唔加糖都甜」，「呢樣就係食物科技 enable 嘅嘢……科技係可以令我哋每個人食得更健康」。

一般豆奶本身有股豆腥味，Edmund 指坊間製造商為了蓋過腥味，「就要放好多糖落去，咁點樣健康呢？」公司透過雜交培植新品種非基因改造黃豆，製作無腥味豆奶，且異黃酮水平較低，「就唔使驚雌激素嗰啲」，成為高蛋白但沒豆腥味的植物奶，調沖咖啡和奶茶都不搶味。

銀行存款多次「歸零」現轉機

最初創業的日子，Edmund 多次見銀行戶口「歸零」，幸而每次都有轉機，及時有訂單或新資金到手「頂到個雞頭」。Edmund 近期更與連鎖三文治餐廳 Pret A Manger 合作，顧客可揀選其植物奶沖調咖啡。他形容反應不俗，但未有透露公司是否已收支平衡，「唔敢話我哋而家成功，距離成功仲有好大距離」。

不少植物奶及植物肉產品針對素食者，但 Edmund 強調希望吸引所有注重健康的消費者，「我哋唔係要做替代牛奶嘅產品，我哋想做一個新品類嘅產品，去做一個飲食習慣的轉變，更加健康、更加 sustainable」，「同維他奶六七十年前做嘅初心一樣」，希望市面有更廉宜、高蛋白的飲品。

虎堅果奶今年正式推出，小試牛刀參與美食展，每盒僅售約 30 元，不少顧客本身對植物奶有興趣並注重健康，有孕婦本身無法喝牛奶但希望補充蛋白質，試飲後大量訂購。Edmund 指反映市場有需求，「真係估唔到，我哋準備咗五日嘅貨，但兩日之內將成個倉啲貨都清晒」。

港設植物雪糕廠 減運輸碳排放

除了植物奶，Meat the Next亦利用虎堅果奶出品港產植物雪糕，口味包括豆腐、焙茶、抹茶及黑朱古力。Edmund 指現時出售的是研發的第六個版本，無添加糖份及香精，「點解唔出呍呢嗱味住呢？因為呍呢嗱味都有機會要加香精；生果味又要加增味劑，如果唔係會好酸」。現時雪糕於葵涌廠房製造，在港設廠的優點是可視乎需求快速製作避免缺貨，亦可減少冷鏈運輸的碳排放。

Meat the Next 暫時主攻「B2B」市場，亦設網店供顧客選購，現階段暫不「燒錢」賣廣告，早前亦有參與可持續商業論壇 ReThink HK 增強曝光及尋找生意夥伴，希望這盤生意如產品般「可持續發展」。公司計劃研發不同類型食品，包括芝士、忌廉、牛油類等。