雅虎香港新聞 麻辣燙｜加拿大回流母女檔開中環川菜館奪米芝蓮推介！年過70歲女廚堅持返舖頭坐鎮
中環麻辣燙由女兒主外，母親主內，合拍得獲得11年米芝蓮推介，但開業多年其實亦面臨過多次難關，即睇Yahoo Food專訪：
生意好咗唔係偶然或者跌落嚟，一定要有付出，我一直管廚房，前面無人管，點會有成績呢？都係Tracy努力返嚟嘅成果。麻辣燙大廚、Tracy媽媽陳啟英
你有沒有想過自己70歲時會在做甚麼？麻辣燙女廚陳啟英會告訴你，「我依然喺廚房工作。」，這間數百呎的中環川菜小店能連續11年獲得米芝蓮推介，是靠着陳啟英跟女兒Tracy Wong多年來沒日沒夜努力打拼出來。並在今年亦步入第18年，但兩人對彼此的感謝跟欣賞，卻如同不少亞洲家庭一樣，從沒有面對面訴說過。
👉🏻全新Yahoo Food Instagram上線啦！立即Follow獲取更多飲食攻略
日做13小時 為出品質素瞓唔着
說起麻辣燙的開始，已經是2005年的事，「當年我喺加拿大溫哥華都有開餐館，97年回流返香港，開始了解香港文化後，就亂打亂撞開始咗麻辣燙。」年過70的陳啟英說，Tracy補充說：「另一個主要原因，係搵唔到我喺屋企食開嘅川菜味道，就諗到不如自己開一間。」
早在Tracy在加大拿唸書，她已經不時到餐館幫手，「如果想同屋企人相處，一定要喺餐廳，因為佢哋由朝到晚都喺餐廳。」但當時年紀尚少，投入程度有限，經營麻辣燙才是她第一次真正投入餐飲業。「原本我係做電視台，一開始好唔慣，當你花咁多時間喺一個地方，咁多嘢要處理，其實真係好大挑戰。」Tracy憶起十多年前的回憶，依舊無忘當年的艱辛：「當時每日喺舖頭都起碼13個鐘，瞓得好少。」
陳啟英這時插嘴笑言：「我當時根本瞓唔着，好多嘢諗，好似第二日有個客有Order，我點樣做到最好，唔係話返工就返工咁簡單。」計計數，當時的陳啟英亦到知天命之年，卻依然對工作有心有力，富有熱情。
麻辣燙的擔擔麵是一道相當代表到品牌有傳統亦有創新的理念，客人固然可柯打傳統版擔擔麵，亦可要求轉用植物肉代替免治豬肉。
感謝女兒努力 成功獲米芝蓮推介
開業多年，問到Tracy是否有一刻想放棄，她略帶遲疑再說：「一開初時係最困難，會好擔心自己嘅能力，我係唔係做得好好？我又唔係讀呢科，當時唔係好識點去面對呢種壓力，有時未必可以同媽咪講，畢竟係自己嘅掙扎。」直到她找到了如何應對客人跟員工的方法，才開始安心，「要當員工同客人好似屋企人咁，大家都要攞個心出嚟對待。」雖說是老生常談，卻從Tracy的言語中聽得出她的真誠。
大廚先將豆腐切成小塊，用開水燙熟備用，再將加入免治豬肉和花椒辣椒醬炒香，最後加入豆腐輕輕拌勻，是一道麻香味美的經典菜式。
女兒的努力跟壓力，陳啟英早就記在心裏，「一路都知佢好大壓力，生意好咗唔係偶然或者跌落嚟，一定要有付出，我一直管廚房，前面無人管，點會有成績呢？都係Tracy努力返嚟嘅成果。」聽到這兒時，Tracy忍不住眼濕濕，抹一抹眼角笑說：「我以為我媽唔知。」
笑問陳啟英有否將愛意跟欣賞與Tracy說，她如同大部份亞洲家長一樣淡淡道，「唔洗啦。」說畢，她再說：「我知道Tracy真係做到嘢，好多嘢唔係買棵菜返嚟煮就得，都係透過佢話返比我聽道餸點、個客點諗。」靠着兩人的努力，麻辣燙連續11年獲得米芝蓮推介，「攞米芝蓮時真係最開心。」陳啟英憶述，她亦疑似與米芝蓮神秘評審員有過一面之緣，「當時有個外國人好多嘢問我，咁咪照講，之後先知佢應該係米芝蓮啲人，我都唔識佢。」
蝦球爽口大隻，配上自家製的乾辣椒汁及其他材料，香辣惹味。
相當考技術的一道菜，將薄片牛肉醃製後再去血水跟油炸，最後跟五香粉、白糖、 辣椒、花椒等材料炒均，甜辣惹味，佐酒一流。
放棄都要做 疫情創新外賣品牌
當一切上軌道，平穩且忙碌地度過多年後，讓人措手不及的新冠肺炎殺到，中環變成死城，不少昔日名店捱不住沒落。但即使當時生意再差，韌性極強的陳啟英亦從沒想過結業，「放棄又點？放棄都要做嘢。」Tracy則安靜下來，再道：「有一剎那有諗過，係唔係Good Timing結束？但我見到啲同事，我做唔到，畢竟個個都有家庭，所以當時無解僱任何人，大家都努力諗下一步。」
老套地說一句：天無絕人之路。Tracy決定推出經濟飽肚的川食麵食，在陳啟英精心設計的麵食菜單下，全新品牌外賣品牌HOT'N'MEEN成功殺出重圍，即使疫情結束，現在於中環BaseHall依舊有一席位。而在這18年不斷更改的餐牌當中，Tracy最推介一道看似簡單卻充滿故事的料理—「魚香烘蛋」，材料很簡單，所謂的魚香其實是一種混合調料，由泡椒、白蔥、生薑和大蒜等材料做成。大廚將雞蛋煎成薄蛋皮與酸甜的蒜蓉辣椒醬一同翻炒，再配白飯或饅頭享用，「以前屋企環境唔好，兄弟姐妹又多，但都要諗幾道餸，蔥、辣椒、蒜頭就最簡單，又可以送飯，結果個個都鍾意食。」陳啟英笑說，當成長後每每懷念童年時，她就會煮這道菜，因此這是陳啟英童年的味道時，亦是Tracy的童年味道。
蛋皮嫩滑帶微辣，若然饅頭能炸香，定必更加美味。
在訪問時，希望拍攝一張陳啟英烹調中的相片，但在場人士似乎都略帶擔心，擔憂鐵鑊對於年過70的陳啟英來說太重，誰知陳啟英卻二話不說把鐵鑊拿起，手腳毫不含糊地煮起麵來，那身手比起不少年輕的上班族都要俐落。陳啟英對飲食的熱愛，令她絕不言休：「我唔係普通嘅廚師，所有食材我都要試過一次先會叫貨，去到而家，我依然會經常返嚟睇住質素。」所以說，能在中環這個食肆林立之地足足18年，是有原因的。
麻辣燙
地址：中環奧卑利街 7 號（地圖按此）
電話：2796 6866/2796 6766
營業時間：星期一至日 11:30pm-03:00pm、05:00pm-11:30pm
常見問題：
問：中環Lunch有甚麼推介？
答：有平價壽司、皇室級印度菜、一人韓國炸雞等供大家選擇......詳情按此
問：中環有沒有特色西餐廳？
答：中環荷李活道中歐酒吧餐館Schnitzel & Schnaps，由波蘭籍主廚主理。除了有中歐直送香腸，更有不少超巨型且地道的中歐菜式.....詳情按此
全新訂座平台「Yahoo訂餐廳×Openrice」正式上線！
更多中環美食推介
中環美食｜日式餐廳ODDS四手聯乘「木之子嚐味晚宴」 以矜貴日本松茸打造中日菜
中環美食｜峇里度假風餐廳「Getaway」 超靚室外花園打卡一流！晚市免費Mocktail+「泰式紅蝦刺身」半價
中環蒟蒻食品專門店「五感日常」 健康低卡$42起食蒟蒻卷拼沙律/香辣和牛蒟蒻飯
$350任飲20款意大利葡萄酒2小時！中上環啡酒館mato coffee wine推首個意大利美酒八月節
中環酒吧2023｜18間必飲Happy Hour好去處 全新古董店隱世酒吧/亞洲50最佳酒吧/高質爵士吧
中環美食｜人氣魚生丼飯「海言どんぶり専門店」一周年推限定廚師發辦貝類丼飯
中環美食｜全新精品咖啡店VIVE 集文青必食甜點/早餐/主食/咖啡+舒適打卡位
中環美食｜Cornerstone主廚推全新時令菜 必食夏威夷果仁鹹鴨蛋/生牛肉薄片/招牌八爪魚
中環美食｜好燒味女廚製素食叉燒 望燒味專門店開到全世界 曾被燒味師傅以為玩玩下「燒到喍皮都繼續試」
中環美食｜Mortlach聯乘星級餐廳Hansik Goo／營致會／Testina 炮製威士忌配對盛宴
中環美食｜GOGYO五行推出$198「虹吸十全高湯拉麵配昆布漬平目茶漬飯」+Happy Hour買1送1
中環美食｜置地廣場推限定「LANDMARK Tasting Mastery」 法式餐廳Ami享受全新6道菜美宴
中環美食｜奢華法式餅撻品牌Tarte期間限定店登陸置地廣場！打卡必備金箔魚子醬撻／松葉蟹海膽海藻撻
中環美食｜大館Sushi Zo主打江戶時代風格 必食廚師發辦18道菜
中環美食｜Gishiki Lounge創意雞尾酒單$138帶你走入日本「能劇」世界
中環美食｜Venchi聯手Cantina推朱古力5道創意晚餐 必食芝麻筒配意式肉腸慕斯、西西里紅蝦他他配白朱古力
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載
