雅虎香港新聞 灣仔全新Soft Thunder Bakery北美風烘焙店！必食開心果牛角包/焦糖雞蛋布甸丹麥酥/麻糬Affogato
灣仔又有新烘焙店了！Soft Thunder Bakery主打酥皮包點，負責人更曾修讀藍帶廚藝學院甜點及烘焙課程，即睇Yahoo Food專訪：
「唔係多層越好食，係適唔適合個款麵包，牛角包其實唔適合有太多層，反而蝴蝶酥可能需要多啲層數。」
不知在甚麼時候，灣仔變成了麵包店的戰場，由大王東街的Bake House，到旁邊的Lanvin Bakey、接近金鐘方向就有瑞士甜品廚Gérard Dubois主理Sourdough、法國名店Maison Eric Kayser、本地老字號麵包店快樂麵包等，最近在堅尼地城開業的Soft Thunder Bakery亦宣布在灣仔落戶，更是有二千呎大小的旗艦咖啡廳。
👉🏻全新Yahoo Food Instagram上線啦！立即Follow獲取更多飲食攻略
加拿大回流情侶檔開店 主打開心果牛角包
在香港開烘焙店，沒有一兩個招牌甜點或麵包是不行的，Soft Thunder就選擇了近年港人相當喜歡開心果做主打，分別有開心果Latte、開心果牛角包、開心Unicorn Puff等。
「唔係我哋揀去做開心果，而係客人問我哋有冇出開心果產品。」負責人Michael笑說，他跟拍檔Catherine原本在加拿大跟香港兩邊走，因為喜歡烘焙，兩人去了加拿大藍帶廚藝學校上了兩年烘焙及甜品課程。其後受疫情影響，他們乾脆在2021年就留在香港嘗試開店。
當生意穩定了，他們碰巧遇見灣仔這個舖位，便決定再下一城，「其實我哋都好Care舖頭位置嘅氣氛，咁啱呢度有好多麵包店、咖啡店，咁就不如試下呢度啦。」在不少人認為灣仔是全港烘焙店的主戰場時，Michael卻認為會有一個良好的協同效應跟良性競爭，「好似酒吧喺蘭桂坊、廚具喺上海街咁。」
他們以法式烘焙的基礎為主，推出一系列新鮮酥皮包點，當中包括港人最愛之一的牛角包，「加拿大人對麵包比較隨性，無咁講究，當地好少新鮮烘焙店，多數習慣喺超市買。」Michael道，「但我有時睇食評，會發現香港人會研究麵包濕唔濕潤、軟唔軟熟。」
「但係外國人唔會咁做。」Catherine補充，「唔會一層層解剖咁，呢個都算係香港嘅文化。」當我問到大家最關心「牛角包有幾多層時」，Michael笑說：「點解我哋會覺得香港人好嘴刁呢，因為外國人從來唔Talk about this。」Catherine再加以解釋，在烘焙世界中，牛角包不會說幾多「層」，而是用「幾摺」來形容，但比起幾摺幾層，他們更在乎牛角包的口感，「唔係多層越好食，係適唔適合個款麵包，牛角包其實唔適合有太多層，反而蝴蝶酥可能需要多啲層數。」而他們兩人就追求外層酥脆，內層鬆軟卻不會太濕潤的牛角包。
由於有不少客人詢問有沒有開心果的產品，因此他們乾脆就研究開心果醬並將其加入在牛角包當中，「主要用伊朗同美國的開心果。」Catherine說。雖然這兩個國家政治關係相當緊張，但在開心果醬中卻能完美融合在一起。
除了在面層有開心果碎，在中間亦有抹上開心果醬，建議兩人分享一份。
相當濃厚的味道，散發陣陣開心果香氣，甜度適中。
童年回憶做多口味忌廉筒
Soft Thunder另一個賣點就是Unicorn Puff，碰巧灣仔名店快樂麵包在附近，我便直問這款是否向快樂麵包忌廉筒致敬時，Michael笑說，其實是Unicorn Puff是來自他的童年回憶，「細個阿媽買過龍島嘅忌廉筒俾我食，我好鍾意，但一直都買唔返。結果我去藍帶學返嚟嘅Pastry Cream，竟然同我細個係一樣味。」其後他就跟Catherine到上海街找烘焙器材，自己反覆嘗試，再將小時候的美食重現後，他便決定再加多數款口味，因此店內最新推出的味道有伯爵茶、士多啤梨及開心果。
賣相精緻，配合口感細膩的吉士醬，做下午茶點心最好不過。
近年大熱的酥皮蛋撻，設有Custard跟朱古力咖啡口味，前者蛋香四溢，後者帶有風味濃郁。
堂食限定名物，客人落Order後才將焦糖雞蛋布甸倒模至丹麥酥之中，集香脆跟甜蜜口感於一身。
將自家製麻糬片包裹雲呢拿雪糕球，倒上熱辣辣的意式濃縮咖啡，口感味道兼備。
如今麵包越賣越貴，其實亦是為勢所逼，Michael跟Catherine都苦笑道：「我哋都唔想賣呢個價，但無辦法，無論食材成本定人力成本都不停上升，加上香港無自己農場，所有嘢都要入口，自然又貴咗。」不過比起從前只為飽肚而言，麵包已變為享受的象徵，加上能品嚐到別人努力下來的成果，亦是值得付出一定的價格。
Soft Thunder Bakery
地址：灣仔皇后大道東31號地下B舖（地圖按此）
電話：從缺
營業時間: 8:00am–8:00pm
常見問題：
問：灣仔午餐推介？
答：灣仔午餐選擇更是多到不得了，無論想食咖喱、越南河、星加坡喇沙還是點心放題，灣仔lunch time的選擇都不會令你失望......詳情按此
問：灣仔有過江龍餐廳嗎？
答：來自意大利羅馬的人氣長方形手切薄餅Alice Pizza，首間亞洲區分店於9月進駐灣仔皇后大道東.....詳情按此
全新訂座平台「Yahoo訂餐廳×Openrice」正式上線！
更多灣仔美食推介
灣仔小瑪哥米線｜阿詩瑪結業 老牌雲南菜變身米線店 必試小鍋米線、番茄野菌、豆花炸醬
灣仔墨西哥餐廳El Taquero！超打卡Barbie粉紅小屋 墨西哥大廚主理+挑戰膽量食蚱蜢Taco
灣仔美食︱港灣壹號推雲南野生菇菌時令菜式 推介雲南野生雞㙡菌燉迷你冬瓜盅/海鹽鮮松茸煎北海道帶子
灣仔美食│灣仔午餐必食推介5間！新景園咖喱豬扒飯/米芝蓮越南牛河/川式點心放題
灣仔美食︱外賣店流髀日賣過百隻生炸雞髀！印尼香料醃雞 超抵食$36雞髀飯餐
灣仔cafe︱小巷精品咖啡店！粉紅色紅菜頭Egg Benedict+暖野菜沙律
灣仔美食︱復古點心店 35年經驗師傅主理！日賣500個脆皮叉燒包+排骨陳村粉 +鵪鶉蛋燒賣
灣仔燒房焗重開！性格明星燒烤店 招牌45分鐘慢燒雞翼+爆膏奄仔蟹+自製麻辣燙
灣仔美食｜創新法國餐廳AUOR全新時令南亞風味餐單 親民價食6道魚子醬前菜/6道主菜
灣仔美食｜鬧市隱世炭燒串燒店「炭火dining炎」 串燒低至$35起/備長炭燒帶子/海膽雲朵半熟蛋拌飯
灣仔美食｜全新拉丁美洲餐廳ROSITA進駐船街 親民價食米芝蓮質素6道/8道菜晚餐
Baked灣仔開分店！中環超人氣Brunch 必試肉丸、牛扒酸種麵包+高質肉桂卷Baked灣仔開分店！中環超人氣Brunch 必試肉丸、牛扒酸種麵包+高質肉桂卷
灣仔美食｜全新AKI酒店餐廳TAMGRAM！Happyhour買1送1優惠/創新日本x西班牙Japas
灣仔美食│潮州人灣仔開分店！太子小店名物花膠撈米、大蜆湯米粉 7月進駐港島
灣仔美食｜越南人主理！生牛肉河牛骨湯底熬足十六小時 家庭秘方豬油炒香料
灣仔甜品│30年晶晶甜品搬店後即遇第五波 店主：每日都係打擊 但都要頂硬上
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
