何遠東效力TVB 16年 綠葉王減肥成功宣布離巢：舞台劇，始終會有完場嘅一刻…
【新增回應】
為TVB效力約16年的何遠東今天（3日）宣布離巢，正式結束主僕關係，他回覆《Yahoo娛樂圈》分享離開TVB的感受及最新近況。
回顧過去在TVB工作，何遠東謂：「試咗好多唔同嘅角色，可以畀觀眾見到我不同的一面，帶到歡樂比大家。」離巢後的他表示：「會作多方面的新嘗試及繼續做好每一個工作崗位。」
他有感而發：「就好似夾公仔咁，當你投放好多心機落去，發現就快夾到自己喇，要被夾起喇，點知隻夾一早係鬆嘅，夾鬆一次、夾鬆兩次，夾到希望隻夾快啲實淨啲，夾得起我咁就得喇。」
仍然想在演藝圈工作的他說：「我仲想繼續做呢行，但生活同生存都好重要，𠵱家手頭上嘅工作就係教育比較多，有啲兒童劇作品做導演，希望做住先，做好手上有嘅嘢。如果有劇本、綜藝節目……邊度都好，只要你覺得何遠東適合嘅話，我都會隨時Stand-by。」他暫時正忙於教育工作，並分享其新目標：「做自己喜歡做的事就足夠。」
________________________________________________________________________________
新一年剛剛開始，再有演員成為「脫無者」！綠葉王何遠東宣布離巢，結束與TVB約16年的主僕關係，並撰寫感謝文答謝曾一起共事的台前幕後朋友。
何遠東於FB寫道：
「舞台劇，始終會有完場嘅一刻…
在完場之前，演員要好好謝幕，
好好脫離角色，重新迎接下一個新挑戰！
感謝一路上陪伴我同喜同悲的觀眾；
感謝時刻用心共事的台前幕後朋友；
感謝讓我發光發亮的每一個角色。
我們約定，未來再遇😊」
