50歲翁嘉穗曬一家人旅遊溫馨照 富商老公分享赤裸上身泳照 fit爆身形與真實年齡不符

1997年香港小姐冠軍翁嘉穗（Virginia）當選兩年後閃嫁比佢大20年嘅海馬牌床褥創辦人兼七海化工集團主席鄔友正，先後誕下鄔謨雲（Jason）及鄔謨風（Kaspar）兩個兒子。翁嘉穗活躍於社交平台，經常大曬出席活動嘅靚相及自拍照；日前，翁嘉穗與家人到韓國首爾旅行，其中一個旅遊景點為首爾郊區南怡島，佢喺社交平台分享自拍及與囝囝玩雪嘅照片，寫道：「跟我的小情人看雪景，餵羊駝去！」非常溫馨。

翁嘉穗嫁富商鄔友正後，助老公打理家居品牌生意，閒時出席活動，現時居住於價值過億嘅半山豪華獨立屋，生活無憂。近年熱衷於玩小紅書嘅鄔友正就曾分享照片時意外曝光豪宅內貌，大宅裝潢以簡約格調為主，具有一片落地玻璃窗，客廳裝上吊燈，以及即使擺放長型梳化後都相當闊落。上個月，翁嘉穗亦於社交平台分享家中聖誕樹嘅照片；從照片中睇到，聖誕樹大約2米高，可見其大宅樓底都非常高，佢又於聖誕樹旁擺放著BE@RBRICK熊仔、Cartier包裝盒及數隻Labubu公仔，成為網民焦點。

除咗居住環境受關注，50歲翁嘉穗嘅外貌亦被網民大讚凍齡。日前，佢分享素顏照，就被網民激讚皮膚好好，好姊妹鄭秀文（Sammi）亦留言激讚對方靚女。而其實，老公鄔友正保養方面亦唔輸比翁嘉穗，極注重養生運動，養成fit爆身形，早前大曬赤裸上身嘅泳照，完全唔似70歲，佢仲留言指30年前已將減肥視為最重要嘅終身事業，又指將會於在1月7日開直播，與網民交流保養之道。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！