愛回家｜葉蒨文新年與家人聚餐 70歲凍齡媽媽樣貌公開後獲網民激讚
葉蒨文（Sophie）2016年參選《香港小姐》入行，憑甜美長相及及弗爆葫蘆身形惹關注，又喺處境劇《愛·回家之開心速遞》飾演「Candy」一角成功入屋。較早前佢以藍色閃石吊帶高衩長裙亮相《萬千星輝賀台慶2024》，被網民為封「TVB最索女藝人」。踏入2025年，佢喺社交網站上載與家人聚餐嘅照片，並曬出與媽媽嘅合照，超強基因掀起熱議。
葉蒨文趁住新年喺社交網站上載與家人聚餐嘅照片，並留言：「2025!!!!!❤️ they came from 🇩🇪🥹#好耐冇見哥哥 #家姐一家喺德國返嚟 #很難想像媽媽已經70歲 #姨甥仔女都大個啦 #開心開心 #family #hkig」。喺照片中，Sophie一家舉杯慶祝，睇落飲得相當愉快。同時佢仲曬出與媽媽嘅合照，70歲嘅媽媽留有及肩短髮，皮膚及身材狀態保持得相當完美，絕對係美魔女一名。
唔少網民都紛紛留言大讚佢媽媽保養得宜，例如「Happy new year 🎊 祝你地一定身體健康，媽媽好靚」、「媽媽咁靚咁後生」、「媽咪好年輕」、「同媽媽好似樣啊」、「2025年新年快樂！笑起來跟媽媽好像哈哈」及「你媽咪看上去很年輕靚女哦希望新一年你事業順順利利」等等。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
