重建花墟「龍頭」太子大樓︱商戶憂「沙塵滾滾」影響生計 市建局：我哋非常有經驗｜Yahoo
【Yahoo 新聞報道】市建局於去年公布「洗衣街 / 花墟道發展計劃」，擬重建旺角花墟、界限街遊樂場及附近樓宇等近 3 萬平方米用地。城規會今日（9日）繼續聆聽公眾申述，在早上環節的 13 名申述人中，有 9 名均表示市建局欲重建剛完成維修的太子大樓之決定十分不合理，又擔憂長達 10 年的工程會令花墟「沙塵滾滾」、影響生計。
就多名申述人的疑問，市建局代表就稱當局現時已有足夠重建經驗，市民不應使用過往重建案例而高估花墟重建的影響，「市建局喺舊區建築非常有經驗㗎啦，大家唔好再攞以前嗰啲（重建舊例）諗。」
商戶質疑重建太子大樓並無必要
據市建局「洗衣街 / 花墟道發展計劃」，當局擬重建位於旺角花墟開首位置的太子大樓，重建理由為其升降機未能接駁大堂樓層及地舖。太子大樓樓齡達 64 年，並於去年完成大型維修，是旺角站前往花墟的起點，被商戶稱作「龍頭」，亦屬花墟人流最暢旺的地方。
旺角花墟業主代表、兼香港鮮花盆栽批發商聯會委員黎先生表示，太子大樓剛完成大型維修，樓宇狀態被評為良好，為「鬧市難見嘅安樂窩」。他指，早前已與太子大樓業主立案法團商討，認為只要在現有結構加設連接地舖和大堂的升降機，就可符合市建局要求，不必整棟拆卸重建。
黎先生續指，九龍區有其他結構不穩或頻生火災的危樓，如華豐大廈，認為市建局應該優先處理其他樓宇，直言強行重建只會摧毁花墟的特色，「市民對市建局嘅偽保育已經失去信心⋯⋯囍帖街、裕民坊、雀仔街、波鞋街等數之不盡嘅社區網絡瓦解，市建局係一次又一次咁辜負市民嘅期望。」
他又提到，去年 3 月市建局曾為重建項目舉辦居民簡報會，解釋項目內容及賠償時間表，但超過九成時間都只有市建局單方面表述，問答環節太短，「好多居民、商戶都舉手問問題，甚至乎我自己舉手舉到手軟，都冇比我哋問問題⋯⋯咁都叫做好嘅溝通？」
多名商戶、員工憂重建導致失業
任職花藝師多年的王小姐指，花墟是花藝師的「根本」，而花墟龍頭太子大廈的陽光特別充足、更是她採購花材的重要來源。她擔憂，花墟重建耗時 10 年，影響商舖日常運作，「如果將呢個咁有凝聚力、人情味嘅地方都要拆散嘅話，唔少店舖、喺花墟做咗好多年嘅人，佢哋喺出邊係咪真係搵到適合佢哋嘅工作？」
而花墟商戶馮小姐亦表示，重建工程會污染花墟環境，令人流減少，「重建對我哋嘅影響真係十分之大，舖頭根本無法經營，附近沙塵滾滾、冇人嚟行。」而在花墟開店逾 10 年的馮先生生則認為重建會造成失業，「依家經濟已經咁差，你再殺一殺個花墟，係會有好多人會失業，佢哋（商戶）又可以去邊到呢？」
市建局重申：太子大樓必須重建
市建局代表麥中傑則回應指，當局並非只看單一條件或因素而判斷應否重建，更有考慮規劃利害、樓宇狀況、樓齡等其他因素，重申「我哋今次認為太子大樓係作為地盤 A1（重建區域）嘅重要部份，喺呢方面係相當確立嘅。」
就商戶擔憂對工程會對花墟環境造成污染，市建局代表就指，當局過去已進行超過 30 個重建項目，有足夠經驗應付，「其實我哋市建局喺舊區建築已經非常有經驗㗎啦，大家唔好再攞以前嗰啲沙塵滾滾、乒鈴嘭唥（嘅重建舊例）咁去諗返。今時今日我哋都好有經驗⋯⋯無論喺噪音、空氣質素都好嚴謹。」
旺角花墟重建關注組：市建局好似背標準答案
為期兩日的申述會議結束後，旺角花墟關注組召集人 Ada 表示，雖然城規會委員在會議上有為他們向市建局提出尖銳的問題，但就甚不滿意市建局的回應，認為當局未有認真看待規劃，「佢哋回應嘅嘢實在太令人失望，即係好似背標準答案。規劃係應該長遠同整體，但係佢哋就係冇做呢樣嘢。」
而花墟業主代表黎先生則認為，市建局在諮詢期間所作的回應時常前後不一，「令人無所適從」，而且安置花墟商戶方案又不清晰。他直言，「喺呢個會議，我哋係體驗到佢哋唧牙膏式嘅表達，好多嘢我哋市民係問唔到嘅，資訊好唔透明。」他最後指，希望當局可考慮給予多兩個月時間向公眾諮詢、在花墟做「落地」的民意調查，聆聽市民心聲。
