網絡熱話｜買一送一之亂！4碗糖水收邊2碗錢先啱？餐廳宣布改為糖水一律$10碗
買一送一迷思！4碗糖水收邊2碗錢先啱？面對食客網絡公審，餐廳竟然如此回應？
當開心食買玩遇上「買一送一」，等於快樂享受雙倍！顧名思義，「買一送一」就是第二件免費的意思，也變相成等於半價，優惠極之吸引；然而日前就有一位開心果愛好者到餐廳用餐，以買一送一優惠歎中式糖水，總共點了四碗糖水，原以為實質應付半價，最後收費卻不似預期，讓他憤然在社交平台大吐苦水，公審餐廳計算方法錯曬！
👉🏻全新Yahoo Food Instagram上線啦！立即Follow獲取更多飲食攻略
買一送一 4碗糖水收2碗錢
事主在社交平台發文：「我嗌咗兩個$28嘅同埋兩個$48嘅糖水，但係員工話要收兩個$48嘅錢，真係令到我哋有啲嬲。」事發地點是知名連鎖餐廳beans，正在進行限時買一送一優惠，一道「開心果糊」就吸引了這位開心果愛好者來試伏，怎料伏位不在味道，而是在收費！原來以事主對字面上的理解，買一送一的定義就是「買$1送＄1」，所以總數應付$28+$48，然而店方卻收了$48+$48，送的只是2碗$28的糖水，深感不忿的他更揚言希望店家退款。
事主發起投票 85%網民撐餐廳
事件在社交媒體引起熱烈討論，過千留言紛紛對「買一送一」釋出不同解讀方法，有人認同事主的計算方法：「係呀我都會覺得係買A送A 買B送B。」、「買一送一應該係你嗌邊樣就送邊樣，而家買A送B 就好似街市買菜送棵蔥咁。」也有人覺得買一送一，本來就應該是送價值較低的一款。事主後來更在網上以「大家覺得係我錯定係餐廳錯？」為題發起投票，結果獲得超過5500人投票，85%撐餐廳！事主更自信回應：「我嚴重懷疑大家對買一送一嘅認知係有極度嘅錯誤！」
優惠條款曝光 要買貴送平
有人翻看餐廳的優惠條款，證實早已標明「贈送之糖水為價格較低之糖水。」雖然如此，也有不少人批評店家：「做得優惠都唔怕個客攞到盡㗎啦，最緊要係氹到你下次返嚟咋嘛。」其實只要一招「分單」就可以平息爭拗，食客可以獲得期望中的優惠，餐廳亦可遵守條款，何樂而不為？
餐廳宣布改為糖水一律$10碗
話題在網絡上極速發酵，店家及後也迅速回應，於官方社交平台發文：「POS計得啱、同事又可以行多步、客人唔介意麻煩又可以分單，真係無限個可能，搞到我都好亂。」更希望事主可以聯絡餐廳進行退款，甚至為了避免更多爭拗，直接宣布：「唔做糖水買一送一，改為糖水一律$10碗。」優惠比之前更吸引，令人懷疑餐廳藉事件製造話題， 目的是宣傳優惠，果然不少人說：「要不是今次事件，也不知道beans有在賣糖水！」心水清的讀者，又如何解讀今次事件呢？
圖片來源：Thread@hkpistachiolover、beans_cafe_hk
全新訂座平台「Yahoo訂餐廳×Openrice」正式上線！
更多近期熱話
90後兄妹創業四年 觀塘「延記點心」租約期滿1月27日結業！
煲仔榮記元朗分店預告月尾離場 高峰期曾設3間分店 日後僅剩慈雲山總店繼續營業
韓國過江龍吉列牛忌廉烏冬專門店全線撤港！最後營業日為2月15日
大埔燒烤王麥師傅兩餸飯店 開張4個月突結業！舖位落閘出租 網民稱不敵競爭
結業2024〡回顧香港結業餐廳名單（下篇）魚米家/甘永泰魚蛋/板長壽司
快餐店賣臘味飯疑似貨不對辦 網民笑指似呢樣嘢？ 咁樣做會好好多？
內地過江龍回顧2024〡重溫20間內地餐飲品牌進軍香港合集！木屋燒烤/霸王茶姬/肉肉大米
結業2024〡回顧香港結業餐廳名單（上篇）別府拉麵/SEVVA/大渣哥茶記
Truffle BAKERY進駐銅鑼灣！必食木村拓哉最愛松露鹽可頌$23個/香港限定松露朱古力鹽包/日本店首席烘焙師親自來港監督
翠華中環重開！5,000呎舖月租35萬？全盛期擁30間店 現縮至7間店
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
