雅虎香港新聞 記者實試︱荃灣超市內$38/碗日式拉麵 自選款式最平$42食到 到底有無伏？
荃灣日式超市AEON最近新開一間拉麵店，內有一款6pm前供應的$38/碗拉麵，另外自選麵款最平$44就食到，到底質素如何？即睇Yahoo Food專訪：
今時今日，拿著$38走在街上，想吃一碗麵都成問題，更別說是動輒$100上下的日式拉麵。最近有眼利網友於荃灣日式超市AEON餐飲部發現$38/碗的日式拉麵！不過只限黃昏6pm前供應，款式不定期轉換。$38/碗拉麵？聽上去總好似帶點伏味，到底值不值得吃？即刻親身去試一試！
*試食評語按餐廳當日出品質素，記者個人經驗及口味而得出
👉🏻全新Yahoo Food Instagram上線啦！立即Follow獲取更多飲食攻略
親民價 6pm前$38/碗拉麵 自選款式最平$44
這$38拉麵優惠，來自新開不久的拉麵店「ka-to卡噹拉麵」。記者於平日放工時段去到 店門口，找不到明顯告示，問過才知，原來$38拉麵優惠只適用於黃昏6pm前。但看看餐牌，就算不是優惠時段，這裏拉麵的正價都只是$49/碗，另有自選款式，最平$44已包有一餸，連筍條、蔥花、木耳絲，因此就算不是為優惠而來，這麵店價錢本也屬平民價。
醬油湯底濃淡得宜 咖哩湯需另加錢 香口偏濃
至於款式，$38/碗的拉麵，款式不能自選，由餐廳不定期轉換。像到訪日，就是「辛辣肉醬拉麵」。呷一啖醬油湯底，鹹甜平衡，稍稍偏甜，不至於死鹹。至於自選款式，湯底有醬油、豬骨、味噌、咖哩四款選擇(除了醬油湯底外，其餘湯底均要加$5)。當中咖哩湯汁濃稠，雖然感覺都似是用咖哩磚開成咖哩汁，不算特別有層次，但沾了麵條還算不錯。相比之下，不用加錢的醬油湯底反而來得濃淡適中。
拉麵配料豐富 物有所值
$38/碗的拉麵份量如何？這裏的麵碗明顯比坊間的日式拉麵店小，但麵條及配料份量僅約略減少，絕對不是將貨就價，只得幾啖的細碗拉麵，不過成年男人如果要吃得飽就最好叫多個小食。至於配料，到訪日$38的「 辛辣肉醬拉麵」就交足貨，肉碎鋪滿1/3湯面，算足料，明顯有炒香過，粒粒有嚼口帶微辣，筍條也加得慷慨，爽口入味，蔥花香口新鮮。整體而言配料有水準，不馬虎，$38絕對物有所值。至於自選麵款，分為加$6(菇類/菜類)，$8(溏心蛋/蘿蔔/魚餅)及加$15 (叉燒/豚肉)。實測點了加$六的雞髀菇，切成三大片，不算薄切，切了十字花，表面有炙燒過，以價錢而言，算非常有心機了。
總結：$38拉麵值得一試 部份小食較為普通
總結而言，小店$38/碗的湯麵及自選麵款都做得出色，如果要說全店扣分位，可能是部分是$ 38/份的小食。小食共六款：明太子多士、山藥什錦燒、手羽餃子明太子，較平價的 雞肉軟骨串($12)及煎餃子($28)。明太子雞翼及什錦燒做得比較普通，前者雞翼煎得香口卻不算肥美大隻，明太子算鹹香好吃；後者的什錦燒其實不太吃到山藥(即淮山)，不過燒餅粉漿不會太厚，木魚新鮮可口，只是相比起拉麵的性價比就顯得較低。
ka-to卡噹拉麵
地址：荃灣大河道88號灣景廣場購物中心地下20號舖(地圖按此)
電話：90836182
全新訂座平台「Yahoo訂餐廳×Openrice」正式上線！
更多荃灣美食推介
絕美超高樓底打卡木化石主題餐廳！PARKSIDE@NINA荃灣西開業 力推意式生牛肉薄片/韓式泡菜牛肉漢堡/紅酒燴牛腩牛筋配特色扭扭粉
荃灣泰興餅店再有新品！$10「3.6牛乳開心果撻」 四重口感獲食客正評：良心價
老掌櫃東北菜館｜中學數學老師轉戰餐飲業 堅持走平價路線免加一+免開瓶「賺錢都係想開心 唔洗樣樣賺到盡」
【荃灣美食】唯一雲貴川米線必食鐵膽配料一覽！附近仲有間滄海遺珠？
【荃灣美食】網民力推荃灣老闆娘米線 大排長龍必食麻辣湯底+排隊攻略
【荃灣美食】荃灣佛系海濱美食蛋撻 神秘隱世！網民排隊捕捉大讚高質
【荃灣美食】意大利百年老牌蛋糕店攻港 全球最佳甜點師/流心酥皮吉士卷
【荃灣美食】家庭式蚊型微舖小食店 媽媽廚神賣濃湯銀針粉/藥膳燒賣/沙嗲牛麵
【荃灣美食】台灣段純貞牛肉麵香港店開業！自家製手工麵/23種中藥材熬製牛骨湯
【荃灣美食】吉列牛餐廳改餐牌自救 平價賣四式刺身丼/海皇蟹刺身丼
【外賣優惠】荃灣10間外賣自取優惠！半價刺身壽司卷物/$48韓式精選便當/酒店級$68外賣餐盒
【荃灣美食】北方餃子店12款特色口味！哈爾賓夫妻檔賣京䓤羊肉餃、酸菜豬肉餃
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
