上環美食︱ 情侶檔開 cafe小酒館 招牌慢煮12小時鴨髀鵝肝意大利飯 + 午市$128香煎牛柳粒燒汁伴飯餐
上環食肆小店集中地蘇杭街，最近新開一間主打招啡晚酒的cafe小酒館，由情侶檔打理，菜式做得有心機，特別是一款以慢煮鴨髀加煎鵝肝的意大利飯！即睇Yahoo Food專訪：
一年開始，人人都有新計劃，新目標，但又有幾多人會坐言起行，為自己踏出一步？上環蘇杭街新開這間cafe 小酒館，由一對九十後小情侶夾份打理，店主兼大廚Luigi十幾歲入行做西餐，做過法式fusion 菜，做過米芝蓮級數fine dining餐館，卻默默有個小心願，想以親民價錢做有心炮製的菜式。
👉🏻全新Yahoo Food Instagram上線啦！立即Follow獲取更多飲食攻略
只限晚市 慢煮12小時油封鴨髀配鵝肝risotto
小店"Aha"，定位是近年最流行的「朝啡晚酒」格局。餐廳外有半個室外位，暫時供等外賣，或飲咖啡之用，想打卡當然可以。Luigi 最擅長西餐fusion菜，這裡的午市及晚市餐牌分別頗大，像暫時只於晚市供應的招牌「香煎鵝肝配慢煮鴨髀意大利飯」，主角鴨髀最花功夫，原隻以鴨油及香草浸醃及慢煮12小時，上枱前再把鴨皮煎封，金黃色的鴨皮惹味甘香，鴨肉嫩滑卻沒有太強鴨臊味，risotto軟身夠韌帶松露香，雜菌設得大大粒，多汁好吃。另一款晚市招牌菜「蒜香白酒煮蜆」，款式雖然大路但做得有心機，以明火爐托著瓦煲上枱，由街市新鮮買來的蜆仔厚肉鮮甜，白酒汁內沒有加常用的橄欖油，反而加了自己煮的蒜油，另加炒蒜片，大量蒜粒，白酒汁香得可以當湯飲又不會太鹹，簡單配酸種脆多士，吸哂白酒汁，塊塊鮮甜。
港式鹹蛋黃醬 配意大利貓耳朵意粉
日頭餐牌較接近典型cafe菜式，大路的沙律、班尼迺蛋、All Day breakfast當然有， 五款pasta 則是全日供應，Luigi希望加入港式元素，他用貓耳朵意粉(Orecchiette)配港式鹹蛋黃加牛油煮成的鹹蛋黃醬，貓耳朵掛汁不膩，煙韌有嚼口。單點菜式在同區而言，價錢算中等，但午市依然爆場。目前最受歡迎是一款$128的「香煎牛柳粒伴日式燒汁溫泉蛋飯」， 有點像日式泡飯，吃到一半加蜜糖燒汁拌飯，牛柳粒厚切juicy，表面香口， 聽Luigi說遲些還有酒供應。就採訪日所見，一家大細、情侶及tea time想鬆一鬆的客都有，想輕鬆飲杯嘢嘆高質西餐，不坊一試。
Aha CAFE & BISTRO
地址：上環蘇杭街126號地下C號舖(地圖按此)
電話：69735883
全新訂座平台「Yahoo訂餐廳×Openrice」正式上線！
更多上環美食推介
上環美食︱招牌$79足料薑汁黃酒雞 豉油雞配腸粉 + 藤椒醬撈麵
上環美食2024｜13間上環美食推介！創意法國菜/高質中菜/泰國東北菜/超抵糧尾救星
上環208 ITALIAN開業！意大利廚坐鎮揭露：「香港人最鍾意拉絲 」必食發酵48小時Pizza/家庭式料理
上環美食｜荷李活道全新概念餐廳208 ITALIAN 推介野菌意式炸飯糰/意大利牛肉他他/雞肝慕絲/手工意大利雲吞
上環美食｜正宗墨西哥餐廳Te Quiero Mucho 推最新菜單 必食牛油果醬與玉米片/各式墨西哥饀餅
上環美食｜中菜食府「江蘇銘悅」全新餐飲美食 海產愛好者必食江蘇銀魚仔焗蛋/黑毛豬肉蒸膏蟹/十年花雕酒浸富貴蝦
上環美食｜私隱度極高餐廳Carving 推多款期間限定多國Fusion創意料理 推介日本和牛他他鵪鶉蛋/熟成午阿辣根卷
上環美食｜日本串燒料理專門店「仟穆CHI YAWARAGU」 全新內臟主題廚師發辦菜單 食盡三黃雞不同部位
上環美食｜意大利地中海風情餐廳JUNO上環開幕 重點推碳烤法國蔚藍海岸鱸魚/普羅旺斯烤嫩羊肉卷
上環美食｜越南法式風味餐廳MâmAmis 必食全港唯一越南美國安格斯生牛肉
上環美食︱100%日本水製綿綿刨冰SoSoSo Kakigori！新鮮果汁加果蓉 加海鹽芝士奶蓋
上環美食｜全新摩登意式餐廳Posso 熱推多款手工意大利麵/三天熟成紅烏頭/炭火直烤M9和牛
Brunch推介｜上環中菜食府「江蘇銘悅」推全新單點菜式及「SPLASH週末點心早午餐」+香檳任飲
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
