雅虎香港新聞 YAHOO十大娛聞榜︳上周最Hit2大話題︰大S再婚 家族榮耀
3月7－13日YAHOO十大最高收視娛聞
「燦神」節目cap圖解答到世間所有問題，今次又有真理！你信印度神童，我信燦神！
9 染Omicron康復中 商台DJ麻利即日離職 超長文回應︰人生總有啲位置好想郁
聽到呢單第一下反應︰咦，即係又要勞煩官恩娜錄過《口水多過浪花》節目主題曲？
留喺香港抗疫，匿喺屋企咪又係真空上陣，又或者被公司召返去「閉環管理」3星期。咁你會唔會寧願喺巴黎走光？
有人見到大S因為多年冇轉電話號碼而覓得姻緣，就呻「我咁多年都冇轉電話，又唔見有人翻兜？」……咁你明白個問題出於自己身上未？
阿Bob拍片講解點解寧願租都唔買豪宅，計晒數，得出結論係「豪宅抵租唔抵買」。另一個例子就係馬家間屋。
李亞鵬再做老竇，汪小菲有新女友，小S再婚，同一個禮拜三單一齊嚟，老實講我撈到亂晒……
4 家族榮耀︳外父億萬身家 黃浩然老婆曾被爆與已婚男親熱合照
呢幾個禮拜，只要同「家族榮耀」有關都多人搜尋。我地編輯部先係最想《家族榮耀》拍續集嘅一群。
不如用wordle嘅玩法，等大家估吓嗰12個字係咩字。
2 樂瞳疑真空上陣試用精華油 離巢TVB大派性感福利惹網民大讚
致力大搞電子商貿嘅TVB，喺發出盈警之後，好應該考慮叫樂瞳回巢。
對比起《侏羅紀公園》由琥珀入面一滴恐龍血複製成隻恐龍出嚟，打過電話點返著23年前嘅愛火真係濕濕碎。
2月7－13日YAHOO十大最高收視娛聞
10 獨家消息：與韓導老公惹婚變疑雲 湯唯「分居」半年 偕女返內地
後來湯唯有po返張一家三口見腳唔見樣嘅合照辟謠。咁就好嘞，畢竟疫情之下，即使活喺同一個城市，一家人都可能要分居。
呢14字係青霞姐姐回fans微博嘅留言，字數咁少即係冇嘢啦，因為近年藝人好興出「千字文」，但多數唔慌好嘢。I MEAN對啲記者行家而言唔係好嘢呀。
恭喜珍妹同初戀男友白頭到老。咁，我要搵下一個女神了。
7 鐵拳英雄｜唐詩詠首演打女被狠批似跳舞多過打功夫 網民：還我刁蘭胡定欣
觀眾係要「刁蘭胡定欣」，定係刁難唐詩詠先？
放心，唔係唱《倒轉地球》。
日拍夜拍嘅台前幕後係咪終於有得休息？係的話，都可以話係因禍得福。
好似旁邊支蠟燭仲粗過楊冪條手臂呀陰功。
家陣都好少可拎筆磨墨咯……祖藍有內情有隱衷的話可以text我地架
翻查資料，宋宛穎都係人才輩出嘅「家燕媽媽」藝術中心畢業生，同門有近期宅男吼實嘅區明妙、《造星3》嘅Cloud，同埋去過韓國發展嘅莊錠欣。想入行？男嘅「全民造星」，女嘅「家燕媽媽」。
1 無綫新聞主播陳嘉欣再度口誤稱警員為警犬 網民發起一人一信促TVB炒人
請問近年有邊啲「一人一信」嘅訴求真係實現到？
1月28日－2月6日YAHOO十大最高收視娛聞
係咪講緊「接龍集團」嗰份糧？
國家隊乒球一姐陳夢其實係黃曉明表妹，唔駛心多。就快連私人聚會都唔可以多過一個家庭嘅日子，表哥表妹仲可以合照，原來好難得。
「人在江湖身不由己」呢句話，而家嘅解釋係︰你嘅身型係由酸民把口同張相描述而成。
有網友都話估唔到Twins會喺內地做帶貨主播賣小食，反口再再婚？小事啦。
公平啲，呢單嘢同「搲HIGH TEA」事件之前，我都唔知相中人叫黃婉恩。所以機會真係要自己爭取。
呢張相邊度影架？Are you in China?
過年過節見到李嘉欣姐姐，感覺份外親切。我真係恭喜你大步檻過，祝美人身體健康。
3 被禁與李佳芯合照辣㷫「蟲草大王」陳恩德 TVB千萬廣告今日起轉落ViuTV
陳生個品牌產品廣告有句口號「藥箱都變成首飾箱」，而家係咪可以改成「ViuTV都變成TVB」或者「蔡潔都變成李佳芯」？
你居然留意到呢段字！正常人碌過咗架啦。
係黃曉明同Baby嘅戀情回顧，亦係一個年代嘅集體回憶︰海棉蛋糕、而我不知道陳偉霆是誰、大坑送跑車……
————-
12月6-12日YAHOO十大最高收視娛聞
你未必會搵舊愛出席自己婚禮，但係藝人結婚，傳媒一定會返你嘅搵舊愛出嚟考古。
9 全民造星4丨30強名單誕生 梁祖堯淘汰執生王Sica保方方捱轟 網民：ViuTV最黑暗的一天
「XXX最黑暗的一天」通常意味住會有更黑暗嘅事發生，可能呢個就係今季《造星》賣點。
連姜濤都想躺平，但係屋企嘅小朋友千祈唔好學。除非你一年接到過百個廣告代言活動啦。
7 44歲江芷妮早前秘密高齡誕囡考慮復出 自爆離開TVB原因
又少一位TVB失蹤人口俾各娛媒搵返出嚟跑CLICK數了。
6 愛回家｜50歲樊亦敏神還原32年檸檬茶廣告 重演陽光妹激似姚焯菲Chantel？
反而想睇姚焯菲神還原50歲樊亦敏喎。
5 梅啟明入稟兼出軌 太太Joey怒斥「躝癱」：係咪人嚟㗎！
咪住，梅太呢句「躝癱」係指入稟定出軌先？
4 梅啟明解釋點解為《梅艷芳》告電影公司 梅媽慶幸梅姐交基金託管遺產
我都好慶幸梅姐將遺產交俾基金託管，唔係咁多年嚟邊得咁多法庭新聞？
2 東張西望│黃穎君報道曱甴屋人氣急升 今午突然宣布離巢TVB
曱甴屋報導咁多人睇，以後食飯真係要好好餸先食得落。
台灣電視節目《全明星運動會》相信唔係太多香港觀眾睇過，當事人房思瑜更加唔算多人識。不過「走光」2個字一出，一切都變得唔重要。
11月29日－12月5日YAHOO十大最高收視娛聞
10 Unfollow兼刪合照︱Jer女友忽晒「多人行」MV疑分手
究竟要check得幾仔細先知道人地Unfollow咗男友個IG？定係又有「身邊友好」發功？
9 自稱商標持有人 告《梅艷芳》侵權 梅啟明入稟索賠 梅媽割席直斥財迷心竅
98歲梅媽＋70歲梅啟明仍然有源源不絕嘅新聞。永恆嘅唔止亞視，仲有梅媽。
好多網民想聽梁祖堯解釋撐方方原因添。
7 洗米華被捕︳澳門猛人涉足娛圈 撻著Mandy Lieu盛傳俾三億分手費
何謂猛人？就係爭奪你嘅女友同太太，都被冠以「地上最強」稱號。
婚外情兼惹官非，絕對會令藝人一鋪埋單……如果你多人識的話。
5 國際選美香港代表民族服裝 成籠點心咁款 呢位佳麗學歷幾勁
呢籠點心又駛唔駛嘟安心出行先上台？
睇完內文，張蘭大半生經歷可以拍套「爆款」劇。
你要小心舅父，小心舅父。
52歲貴婦是誰？提示︰倒轉地球、車匙。
馬雲作為Fans，課金1億幾人仔（台幣7億）都要食閉門羹。相比之下，鏡粉真係好幸福。
11月22-28日YAHOO十大最高收視娛聞
由下向上拍嘅低炒先係女藝人剋星，我反而想睇到時「楊冪傲人部位」會係點。
我更在乎黑人係咪打過汪小菲囉。
8 換命真相｜大結局推翻之前穿越情節 網民直斥爛尾：前二十四集白睇
唔係好多人講過「過程重要過結果」嘅咩？
內文提到「他們在籌備婚禮的過程中迎來了小生命」，咁真係真愛嘞 — 籌備婚禮過程咁多嘢煩都仲有時間有心情創造小生命，係愛呀哈利。
6 蓋世寶回巢主持《童你一起長大了》不滿貨不對辦 直言難有下次合作機會
如果唔係喺電台受訪講呢件事，恐防真係會出現「蓋世寶DLM」呢個畫面。
單新聞爆嗰日，出街食飯忍唔住點咗個沙嗲肥牛粉絲煲……有冇人都係咁，睇完好想「食粉絲」？定係食咗碗「悲傷牛肉麵」？
唔關紋身係咪等於壞呀反叛呀呢啲觀念事，而係點解相信有嘢係永恆?
最衰當年唔興拍片，我想知14歲嘅柏芝把聲係點?
2 東張西望│美華單位被保安佔據有新發展 阿娟態度突變道歉兼跪地認錯
而家知道點解《東張》收視高過劇集啦。你試吓是但一套劇個劇本咁寫？
傳媒老細成日講「狗咬人唔係新聞，人咬狗先係」，即係越唔尋常越多人睇。而今期最多人睇嘅係「個仔似老豆」，咁即係話「似老豆」唔尋常，定係定律被推翻?
—————
10 《男神廚房》被指主持人選與節目不配 網民：搵Do姐主持根本就錯晒
內文提到「男神出盡法寶冧主持爭取分數，例如張敬軒即場唱《櫻花樹下》等等」，由此可見錯嘅唔係主持人選，而係嘉賓人選。搵張敬軒唱《櫻花樹下》？……搞錯！唔搵周柏豪唱！
由重慶大學生變成港星老婆再變成保險界貴婦，如果拍新一輯動物紀錄片《變變變生命力》，應該留一集俾張利華。
見到立生就好似即刻聽到《真情》主題曲開頭嗰段色士風……明白有愛有家在～～
7 疑偕陳自瑤一家三口同遊主題公園 王浩信囡囡扮《魷魚》角色迎萬聖節
自從陳自瑤喺台慶頒獎禮黑面之後，人氣越來越好。有演技嘅藝人係值得有好回報嘅。
當年新藝城奮鬥房成員有石天、黃百鳴、麥嘉、徐克、泰迪羅賓、曾志偉同施南生。石天以外，黃百鳴徐克主力在內地發展，麥嘉退隱多年，施南生為浸大電影學院做顧問，曾志偉做咗TVB總經理，泰迪羅賓仍然有做港產片電影監製，包括近期上映嘅《喜歡你是你》。
發哥黑面罕有啲，定發哥唔著黑衫黑褲罕有啲？
4 被指讀男女校係想識男仔 麥明詩FB回應獲網民大讚高IQ高EQ
高IQ高EQ，都始終解釋唔到點解佢會同林作一齊過……
認真問，行政拘留算唔算係強制隔離檢疫措施？
同學你太年輕了，根本唔少男星都係建築系出身，曾江、關正傑、吳彥祖，仲有陳奕迅。
而家單案上訴緊，下次判又可能成為冠軍。上訴多幾次，收視返晒嚟，小編感謝你。
10月25－31日︳冇熱門話題 TVB藝人動態再成十大主流
上周（10月25－31日）十大娛聞出爐！前周李雲迪嫖妓事件新聞霸佔半個榜之後，今期只係剩返一條；冇焦點新聞嘅一個星期，TVB藝人新聞再次成為吸睛之最。
10 余子明效力TVB逾40年 對一年一騷$6800合約心淡拒簽
又一位甘草因為「一年一騷」而走人。唔係話TVB得啲老嘢睇嘅咩？點解啲老戲骨要被退休嘅？
早幾年傳過霆鋒同周迅添！So?
內文最有用資訊︰張致恒早前已經還清債務。咁就好喇，起碼少咗班債主歧視小朋友。加油！
成套劇咁多綠葉個個都有人識咁，證明《愛回家》真心多人睇。搵年台慶頒獎禮頒「最佳劇集」俾《愛回家》，一。定。冇。人。有。異。議。
「得罪方丈仲想走？冇咁易！」－《食神》
內文主要講到嘉玲姐同哥哥張國榮、青霞姐打牌嘅經歷。喂，咪即係《明星三缺一》？
我地都被你閃得多啦，馬明。
你搵個56歲大叔成日打邊爐都冇肚腩先講啦，網民！
而家嘅喜劇唔係靠劇本對白演員演繹氹你笑，而係拍得有咁爛得咁爛等觀眾恥笑。咪又係娛樂！
1 演技麻麻 多多聲氣 監製怕怕 做完「女一」雪足10個月 鄧佩儀執包袱返加
呢單新聞咁多人睇，證明鄧佩儀都叫有人注意丫。話說廿幾年前有個TVB演員簽約冇耐就飛咗去南非9個月，仲同女友分手，佢叫張家輝。
10月18－24日︳李雲迪嫖娼相關新聞 獨佔十大一半位置！
上星期娛圈最大單新聞一定係李雲迪涉嫌嫖娼喺北京被公安行政拘留，結果十大有一半都係同呢件事有關，可能係李雲迪嘅人生「成就」。加埋林穎彤媽咪嘅「叫鴨」傳聞，成個十大充滿住桃色。
6－10位都係李雲迪，加埋其他冇入十大嘅新聞，成個禮拜嘅收視都係靠晒你～
4 掌管TVB認「蠢」但無悔 曾志偉急搵接班人：愈快離開成功感愈大
呢期曾總經理好俾心機接受訪問，既然咁多人睇，不如拍個訪談節目喺TVB播啦，隨時多人睇過《勁歌金曲》。
呢啲名單成日都有，如果網傳一份內地官方「力捧」名單，相信會更多人想睇。
Jace呢單甩裙事件影響到佢嘅演出，唔驚！賺經驗之餘，仲得到唔少網友留意你，因禍得福呀～
1 與多位嫩男影密照 短訊露骨 林穎彤媽咪被爆「叫鴨」 遭恐嚇 報警
呢單比李雲迪更多人睇！Bella解釋媽咪係俾人騷擾。點都好，生活環境有改善，Bella又識得幫媽咪處理事情，Bella媽苦盡甘來啦。
10月11－17日︳發哥一出冇得輸 「鋒菲芝」依然吸睛
9 Fans圍觀周身唔聚財 超長泳褲難掩雄風 Edan凸圍做鵰神
Edan激凸泳褲look喎，排第9？！
王菲、謝霆鋒同張柏芝呢幾個人嘅微妙關係，往往有唔少網友依然關注。
大家都可能知道，《東張西望》係TVB 一至五黃金時段收視保證，於是連帶主持人嘅新聞都多人睇。
好少有韓劇會吸引到咁多男男女女一齊煲，《魷魚》喺搜尋榜同新聞十大都有好成績，唔知可以延續到幾時呢？
4 童你一起長大了︳張沅薇舊愛係MIRROR御用監製 做OL酒樓知客獨力湊大仔仔
的確又真係幾難搵到華嫂嘅舊相嘅，咁梗係多人睇啦。
2 王俊棠為細仔王東泰慶祝生日 被網民嫌屋企又細又寒酸 一句KO網民
發哥身邊出現唔係發嫂嘅女子，梗係大件事啦！冠軍！
10月4－10日︳李佳芯由榜尾彈上冠軍 險勝陳自瑤王浩信
收視報告因為打風等原因暫停一周，而家強勢回歸！從上周十大可見，TVB藝人新聞依然比較多人留意。
10 鍾麗緹大女張敏鈞殺入溫哥華華姐8強 與港姐冠軍宋宛穎隨時「混血之戰」
8 網傳25人「全渠道封殺名單」 趙薇「政治問題」列頭號懲處人物
6 MIRROR成員被內地網民攻擊顏值低：當明星門檻這麼低嗎
5 無綫ViuTV又鬥過！ 譚俊彥領軍戰193 搶港版《魷魚》頭啖湯
4 「佐治」張明偉屋企有來頭 老豆曾任三料議員 伯父係電盈前高層張永霖
1 大劇棄用 掙扎求存 李佳芯焗啃豬頭骨 演《聲夢》Hugo阿媽
9月20－26日︳市道淡靜 久未露面明星近況吸睛
第10位 與TVB未滿約 否認隨余詠珊回有線 李佳芯：我哋無直接聯絡
Ali係TVB新收視福將，走人傳聞梗係多人關心！
「李彩華小背心」睇得多，張栢芝小背心又真係少見啲嘅。
第8位 羅嘉良北京豪華別墅曝光
「撈家」撈到有北京豪宅，難怪個個都想北上賺人仔，網民當然想知有幾豪啦。
第7位 無懼港台疑封殺MIRROR Edan呂爵安Jer柳應廷接連出新歌夾攻炎明熹？
有齊聲夢同MIRROR兩大收視保證，十大一定有份！
第6位 最美童星長大了 40歲近況曝光
呢類標題引發無限好奇心，係邊個都唔重要咯。介紹返，主角係多年前瓊瑤劇童星金銘。
第5位 「限娘令」疑升級 內地人氣變裝KOL帳號視頻遭到永久封禁 網民：這是回到100年前了嗎？
第3位 那英「半退」 再傳黑幕！ 網爆《好聲音》通關課金表 導師轉身費盛惠60萬
打入三甲，好可能多得「黑幕」2個字……
入咗TVB未夠一年就升職，真正嘅「獎門人」唔係志偉哥，而係TVB。
第1位 張曼玉「瘦到皮包骨」 粉絲好驚嚇
暴肥係新聞，暴瘦又點會冇人睇？
9月19－25日︳林作鍾培生拳賽贏盡八卦 MIRROR終於入榜！
林作同鍾培生嘅拳賽網上大把人睇，當然打入上個星期YAHOO娛樂圈最多人睇嘅十大娛聞啦。前幾個星期MIRROR都冇新聞入榜，今次一嚟就有2條！
第10位 －人月兩團圓︱王菲謝霆鋒中秋節合體 世紀同場
第9位 －上山女Hilary豪門夢碎
第8位－ Ian疑似情緒爆煲：爭啲呼吸唔到！
姜濤出活動暈低之後，大家都好關心MIRROR成員身體狀況，今次到Ian，希望冇下個啦。
第7位 －林作豁達「冇所謂啦」 疑似不雅片撒網 裕美：近排少行房！
「不雅照」居然唔係第一位？有少少出乎意料喎。
第5位 －「中文歌曲龍虎榜」突全軍覆沒 MIRROR疑遭抵制 離奇被消失
另一單MIRROR相關新聞，不過……似乎唔係幾值得慶賀噃。
第4位 －林芊妤Coffee與3歲囝囝浸浴照惹網民熱議：男&女嘅身體唔一定同性&色畫上等號
第3位 －無被對方K.O. 狂咀裕美慶祝 林作自認「贏家」 嘲鍾培生難落台
「林鍾一戰」合共3單新聞入十大，好多人賽前話唔睇，結果呢？身體很誠實嘅。
第2位－TVB新寵 蔡潔拍《法證V》曾全裸肉搏曾志偉 忽然玩失蹤飛王宗堯
呢類起底稿不嬲有收視，估計《法證V》出街後，蔡潔肉搏曾志偉嘅電影《香港仔》會多咗人搵嚟睇。
「林鍾一戰」可以話係贏晒全城目光，不過2位當事人都未必估到，最多人睇嘅新聞會係同「轉播」賽事有關。
9月6－12日︳全民關心吳亦凡睇醫生 方力申緋聞連續3周入十大
上星期（9月6－12日）YAHOO娛樂圈邊十條新聞最多人睇？即刻開榜！今個禮拜依然未有MIRROR新聞入十大，而題目種類都幾多元化，第一位呢單咁爆，跑出好正路！
「揞名爆」嘅新聞梗係有賣點，個個都想知「例遲小姐」係邊個嘛～
9 吳卓羲凌晨4點出Post Tag菊梓喬 全城競猜係咪拍拖！
大纜都扯唔埋嘅「唔唱K」同菊姐竟然傳緋聞，自然輕輕鬆鬆入十大。
另一個必勝題目︰新聞主播動向。難怪咁多小花出出入入主播台。
6 靠陳倩揚低醣飲食法 商台DJ朱薰半年減24磅 入嚟睇餐單！
減肥喎，有餐單喎，唔睇咪蝕？！
《尚氣》對香港觀眾而言，可能係「梁朝偉有新戲上」，加上同Do姐嘅訪問提到事隔33年再拍劇，夠晒吸引。
4 「翻版張栢芝」楊埕大爆娛圈潛規則 點名迪麗熱巴 IG直指自己被誤解
3 謝霆鋒棄加籍網民鬧「40歲人至知係中國人？」謝賢解釋移民係怕寵壞仔女
謝霆鋒放棄加拿大國籍係上周熱門話題，四哥解畫當年點解移民點會冇人想知先～
公布娛聞收視3個禮拜，方力申暫時係唯一一個3星期都上榜嘅藝人 ，上期傳緊同陳瀅冇機會發展，今次就輪到FYY。原來網友都幾關心小方幾時脫單。
涉及性侵案被捕嘅吳亦凡，本身已經係新聞人物，仲要爆出疑似求診睇性病，梗係大把花生友入嚟睇吓咩料。
—————————————————————-
8月30－9月5日︳梁栢堅婚訊最多人睇 MIRROR十大不入 姚焯菲2條新聞入榜
繼續公布上周（8月30－9月5日）嘅娛聞收視十大！上期最多人睇嘅新聞係關於姚綽菲，估唔到呢期同Chantel相關嘅報導，依然備受注目。有一條新聞仲連續2星期入榜，而今期十大居然冇MIRROR份！
10 張明偉宣布離開《愛·回家》劇組 原因係同校外唱《銀河修理員》有關？
證明《愛·回家》真係入屋，唔算主線角色嘅張明偉離開劇組嘅新聞，橫跨2周都大把人睇！
「24歲男演員」成為娛樂搜尋榜冠軍，大家都好想知邊個捲入呢次嘅是非。
6 重返校園「大變身」 炎明熹粉絲接放學 姚焯菲出動御用司機
一條網上新聞嘅壽命，原來可以維持咁耐。呢條稿由上星期嘅亞軍降到第4位，而張明偉嘅新聞就有2條打入十大。
當年名震一時嘅新聞人物楊麗娟，網友都好想知道佢而家過成點。呢類「好久不見」嘅過去式新聞人物，往往有唔少人關注。
上期嘅最高收視新聞主角，今期因為開學而備受注目，仲要有2條稿喺十大。《聲夢》來勢洶洶，要同MIRROR打對台似乎唔難。
1 王菀之舊愛 風流詞人梁栢堅娶白淨靚女震撼娛圈 阿Bob：唔＿係呀
唔止阿Bob，小編見到冠軍係佢都想講「唔＿係呀」！各位梁栢堅嘅友好歌手同音樂人，快啲share呢篇話佢知，佢成為全個禮拜最多人睇嘅新聞主角！
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
